+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

ەلباسى تاپسىرماسى: پاۆلوداردا شاشتارازشىلار مەن ساتۋشىلاردىڭ جالاقىسى وسپەك

1 قاراشا 21:30
:ءبولىسۋ
ەلباسى تاپسىرماسى: پاۆلوداردا شاشتارازشىلار مەن ساتۋشىلاردىڭ جالاقىسى وسپەك

پاۆلودار. قازاقپارات - پاۆلودار وبلىسىندا جالاقىنى تەك ءىرى كاسىپورىنداردا عانا ەمەس، بازار، شاشتاراز جانە شاعىن دۇكەندەردە دە ءوسىرۋ جوسپارلانۋدا، دەپ حابارلايدى قازاقپارات.

وبلىس اكىمدىگىندە وتكەن كەڭەستە پرەزيدەنت نۇرسۇلتان نازاربايەۆتىڭ جالاقىنى ءوسىرۋ تۋرالى تاپسىرماسى بويىنشا جۇرگىزىلىپ وتىرعان جۇمىستى تالقىلادى. ءوڭىردىڭ بارلىق ءىرى كاسىپورىندارى پرەزيدەنتتىڭ باستاماسىن قولداپ، ءوز قىزمەتكەرلەرىنىڭ جالاقىسىن وسىرۋگە دايىن.

«1 -قاڭتاردان باستاپ دەنساۋلىق ساقتاۋ جۇيەسىندە جالاقىسى تومەن ءبىر جۇمىسكەردىڭ ورتاشا ايلىق تابىسى 58 مىڭنان 70 مىڭ تەڭگەگە دەيىن وسىرىلەدى. سونداي-اق، ءبىلىم، مادەنيەت جانە الەۋمەتتىك سالا قىزمەتكەرلەرىنىڭ جالاقىسى وسىرىلەدى»، - دەپ حابارلادى پاۆلودار وبلىسى اكىمىنىڭ ورىنباسارى مەيرام بەگەنتايەۆ.

وبلىس اكىمى بولات باقاۋوۆ جەكەمەنشىك سەكتور قىزمەتكەرلەرىنىڭ دە تىس قالماۋىن تالاپ ەتتى. ونىڭ ايتۋىنشا، ءتىپتى شاعىن دۇكەندەردى دە باقىلاۋعا الۋ كەرەك.

«بازار، شاشتاراز، شاعىن دۇكەندەردە قانشا تەحنيكالىق جۇمىسكەر، سىپىرۋشى، كۇزەتشى جۇمىس ىستەيتىنىن جانە ولاردىڭ جالاقىسى قانداي ەكەنىن انىقتاپ الۋ كەرەك. قازىرگى كەزدە الدىمىزدا جەكەمەنشىك سەكتورداعى بارلىق كاسىپورىندار قىزمەتكەرلەرىنىڭ جالاقىسىن ءوسىرۋ ماقساتى تۇر. مەنىڭ تاپسىرمام بويىنشا، ءاربىر ورىنباسارىم، قالا مەن اۋدان اكىمدەرى بۇل ماسەلەنى جەتەكشىلىك ەتىپ وتىرعان بارلىق سالالار، ۆەدومستۆولىق باعىنىشتى كاسىپورىندار، شاعىن جانە ورتا بيزنەس سۋبەكتىلەرىندە قاراستىرۋ كەرەك»، - دەپ ءمالىم ەتتى ءوڭىر باسشىسى.

بۇدان باسقا، وبلىس اكىمى باعالار جاعدايىنا نازار اۋدارتتى. ول جالاقى كوتەرىلگەننەن كەيىن ازىق-تۇلىك پەن باسقا تاۋارلاردىڭ باعاسى قىمباتتاماۋى ءتيىس ەكەنىن اتاپ ءوتتى.

«وبلىستىق كاسىپكەرلەر پالاتاسى قازىردەن باستاپ بيزنەسمەندەر، ءىرى جانە شاعىن ساۋدا جەلىلەرىنىڭ باسشىلارىمەن ءتيىستى ءتۇسىندىرۋ جۇمىستارىن جۇرگىزۋى ءتيىس. وڭىردە جالاقى وسىرىلگەن سوڭ، باعا كوتەرىلمەۋىن قاداعالاۋىمىز كەرەك»، - دەدى ول.

بولات باقاۋوۆ قالا جانە اۋدان اكىمدەرىنە الەۋمەتتىك ماڭىزى بار تاۋارلار دىڭ جانە كومىر باعالارىن مۇقيات قاداعالاۋدى تاپسىردى. بۇل جۇمىسقا «نۇر وتان» پارتياسىنىڭ فيليالدارى دا قوسىلىپ، باعالاردى رەتتەۋ بويىنشا مونيتورينگ جۇرگىزۋ توپتارىن قۇرادى.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات