استانانى بيىل دا ءتۇتىن باسۋى مۇمكىن - اكىمدىك جاۋابى

استانا. قازاقپارات - ەلوردا اكىمدىگى بريفينگتە قىستا قالانى باسىپ قالاتىن تۇتىنگە قاتىستى ساۋالعا جاۋاپ بەردى، دەپ حابارلايدى قازاقپارات ءتىلشىسى.

ەسكە سالساق، قاڭتاردا ەلوردانىڭ اسپانىن ءتۇتىن باسىپ قالىپ، وعان جىلۋ ەلەكتر ورتالىعى تۇسىنىك بەرگەن بولاتىن.

«ءتۇتىن - ءالى دە بار. بۇنىڭ ماسەلە ەكەنىن بىلەسىزدەر. جەلسىز كۇنى جەكە سەكتوردان، اۆتوكولىكتەر مەن اۆتونومدى قازاندىقتاردان قالدىقتار كوككە كوتەرىلەدى دە، ءتۇتىن پايدا بولادى. مەنىڭ ويىمشا، گاز تارتۋ جۇمىسى رەتكە كەلتىرىلگەننەن كەيىن جاعداي ەداۋىر جاقسارۋى ءتيىس. بيىل دا استانادا تۇتىنگە بايلانىستى پروبلەما بولۋى مۇمكىن»، - دەيدى استانا قالاسىنىڭ قورشاعان ورتانى قورعاۋ جانە تابيعاتتى پايدالانۋ باسقارما باسشىسى ورىنباسارىنىڭ مىندەتىن اتقارۋشى ءابدىماناپ جۇمادىلدايەۆ.

ونىڭ ايتۋىنشا، جىلۋ-ەلەكترو ورتالىقتارىندا مۇرجالاردىڭ بيىكتىگى ۇزارتىلعان.

«نەگىزگى جىلۋ ءبارىبىر كومىر ارقىلى تارالادى. بيىل جىلۋ- ەلەكتر ورتالىقتارى مۇرجالاردىڭ بيىكتىگىن 120 مەترگە جەتكىزدى. وسىنىڭ ارقاسىندا ءتۇتىننىڭ ءبىر بولىگى قالاعا كەلمەيتىن بولادى»، - دەيدى ءابدىماناپ ءجۇمادىلوۆ.

اتالعان بريفينگتە استانا قالاسىنىڭ وتىن-ەنەرگەتيكالىق كەشەنى جانە كوممۋنالدىق شارۋاشىلىعى باسقارماسى وتىن- ەنەرگەتيكالىق رەسۋرستار ءبولىمىنىڭ باسشىسى ماقسات ەسماعۇلوۆ بيىل ەلوردادا كومىر باعاسى قانشا بولاتىندىعىن ايتىپ بەرگەن ەدى.