ەلورداداعى پوليتسيا قۋعىنى: جۇرگىزۋشى قاماۋعا الىندى
بۇل تۋرالى ق ر ىشكى ىستەر مينيسترلىگىنىڭ رەسمي وكىلى الماس سادۋبايەۆ ايتتى، دەپ حابارلايدى قازاقپارات ءتىلشىسى.
«كەشە كەشكىسىن ىزىنە تۇسكەن پوليتسيا قىزمەتكەرىنەن قاشىپ كەتۋ ءۇشىن ونى كولىگىمەن سۇيرەپ كەتكەن جۇرگىزۋشىگە قاتىستى ءىس قوزعالىپ، قىزمەت بابىنداعى بيلىك وكىلىنە كۇش كورسەتۋ فاكتىسى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. جۇرگىزۋشى ۋاقىتشا وقشاۋلاعىشقا قامالدى»، - دەدى الماس سادۋبايەۆ.
بۇعان دەيىن ەلوردالىق پوليتسيا قىزمەتكەرلەرى جول اپاتىن جاساعان كولىكتى دوڭگەلەگىن اتىپ توقتاتقانىن حابارلاعان بولاتىنبىز.
بۇل تۋرالى ق ر ىشكى ىستەر مينيسترلىگىنىڭ رەسمي وكىلى الماس سادۋبايەۆ حابارلاعان ەدى.
ونىڭ ايتۋىنشا، جۇبانوۆ كوشەسى بويىندا جول اپاتىن جاساپ، وقيعا ورنىنان بوي تاسالاعان بۇزاقىنى ەلوردالىق پوليتسيا قىزمەتكەرلەرى ۇستادى. ول قاشىپ قۇتىلامىن دەپ جولدا تاعى ءبىر كولىكتى قاققان.
«ىزىنە تۇسكەن پوليتسيانىڭ «توقتا» دەگەن زاڭدى تالاپتارىن ەلەمەي، قوزعالىسىن جالعاستىرا بەرگەن. سوندىقتان پوليتسيا قىزمەتكەرلەرىنە ونىڭ كولىگىنىڭ دوڭگەلەگىن ەكى رەت وق اتىپ تەسۋىنە تۋرا كەلدى. ءبىراق، ول تەسىلگەن دوڭگەلەكپەن دە قوزعالىسىن جالعاستىرا بەردى. بۇعان قوسا، كوشە قيىلىسىندا ونى توقتاتپاق بولعان پوليتسيا قىزمەتكەرىن دە سۇيرەتىپ كەتتى. شامالى ۋاقىتقا سوزىلعان قۋعىننان كەيىن پوليتسيا قىزمەتكەرلەرى قۇدايبەردى ۇلى كوشەسىندە بۇزاقىنىڭ كولىگىنە توسقاۋىل قويىپ توقتاتتى. ول ۇستالىپ، پوليتسيا بولىمشەسىنە جەتكىزىلدى. زارداپ شەككەندەر جوق»، - دەدى الماس سادۋبايەۆ.