داڭقتى تراكتورشى كامشات دونەنبايەۆا تۋرالى كىتاپ جارىق كوردى

None
None
قوستاناي. قازاقپارات - قوستانايدا داڭقتى مەحانيزاتور، سوتسياليستىك ەڭبەك ەرى كامشات دونەنبايەۆا تۋرالى كىتاپتىڭ تۇساۋى كەسىلدى، دەپ حابارلايدى قازاقپارات.

قوستاناي وبلىستىق فيلارمونياسىنا جيىلعان حالىقتىڭ قاراسى قالىڭ. سەبەبى، بۇگىن مۇندا داڭقتى تراكتورشى كامشاتدونەنبايەۆا تۋرالى كىتاپ پەن دەرەكتى فيلمنىڭ تۇساۋى كەسىلدى. جيىنعا كامشات بايعازى قىزىنىڭ ۇلى مەن جەڭگەسى، كوز كورگەن زامانداستارى كەلدى. قوستاناي وبلىسىنىڭ اكىمى ارحيمەد مۇحامبەتوۆ ەڭبەك ەرىنىڭ كىسىلىك قاسيەتتەرىن ەسكە سالدى.

«كامشات بايعازى قىزىنىڭ بەينەسى جۇرەگىمىزە ماڭگى ساقتالادى. ول كىسى جۇرگەن جەرىندە حالقىمىزدىڭ اماندىعىن تىلەپ وتىراتىن. تىڭ ارداگەرى، ارداقتى انا قوعامدىق جۇمىستاردان قالىس قالمادى. ءتىپتى، 2016 -جىلى وبلىستىق مەشتتى اشقاندا سونىڭ باسى- قاسىندا ءجۇردى. ەلباسىنىڭ جولداۋىن تۇرعىندارعا ءتۇسىندىرۋ كەزىندە دە كامشات اپانىڭ سىڭىرگەن ەڭبەگى ۇشان- تەڭىز. ءبىر ەرەكشەلىگى، اپامىز باسىنان اق ورامالىن تاستامادى. ول كىسىنى عاسىردا ءبىر تۋاتىن تۇلعالاردىڭ ءبىرى دەپ ەسەپتەيمىن. «تاۋلاردىڭ بيىكتىگى الىستاعان سايىن بىلىنەدى» دەگەن قازاقتا ادەمى ءسوز بار. وسى ءسوز اپامىزعا ارنالىپ ايتىلعانداي. كامشات بايعازى قىزىنىڭ ەسىمى ەشقاشان ۇمىتىلمايدى»، - دەدى وبلىس باسشىسى.

null

ارحيمەد مۇحامبەتوۆ كوكتەمدە قوستاناي قالاسىندا كامشات دونەنبايەۆا اتىنداعى ساياباق اشىلاتىنىن ايتتى. قازىرگى ۋاقىتتا اتاقتى مەحانيزاتوردىڭ بيۋستى جاسالىپ جاتىر. سونداي-اق، ارحيمەد مۇحامبەتوۆ «كامشات» كىتابىنىڭ اۆتورلارىنا العىسىن ءبىلدىردى.

«كامشات» كىتابى اۆتورلارىنىڭ ءبىرى - بەلگىلى جۋرناليست قىدىربەك قيىسحان. ونىڭ سوزىنشە، كىتاپتا كامشات بايعازى قىزى تۋرالى ەستەلىكتەر توپتاستىرىلعان.

«ەستەلىك كىتاپ كامشات انامىزدىڭ جەكە مۇراعات ماتەريالدارى، تۋىستارى مەن زامانداستىرىنىڭ ماتەريالدارى، بىرنەشە كوركەم شىعارمانىڭ نەگىزىندە قازاق جانە ورىس تىلدەرىندە جارىق كوردى. كىرىسپە بەتىندە ەلباسىنىڭ كامشات دونەنبايەۆاعا ايتقان لەبىزى جازىلعان. كىتاپتىڭ تارالىمى - 500 دانا. «يزداتەلسكي دوم» باسپاسىنان جارىق كوردى. ەندى وبلىس كىتاپحانالارى مەن مەكتەپتەرىنە تاراتىلادى.

null

ايتا كەتەيىك، كامشات دونەنبايەۆا 1937 -جىلى قوستاناي وبلىسى ۇزىنكول اۋدانى لەنين سوۆحوزىندا تۋعان. ەڭبەك جولىن ۇزىنكول ەليەۆاتورىندا باستادى. 1961 -جىلدان قوستاناي وبلىسى بوروۆسكي اۋدانى «حاركوۆسكي» سوۆحوزىندا مەحانيزاتور بولىپ ەڭبەك ەتكەن.

وسى وبلىستىڭ مەڭدىقارا اۋدانىنداعى «كامەنسك- ۋرالسكي» كەڭشارىندا مەحانيزاتورلار دايىندايتىن كۋرستى، كەيىن قوستاناي اۋىل شارۋاشىلىق تەحنيكۋمىن سىرتتاي وقىدى. «ارداگەرلەر ۇيىمى» رەسپۋبليكالىق قوعامدىق بىرلەستىگى ورتالىق كەڭەسىنىڭ مۇشەسى، وبلىستىق ايەلدەر ءىسى جونىندەگى جانە وتباسى- دەموگرافيالىق كوميسسيانىڭ قۇرامىندا بىرنەشە قىزمەتتەردى اتقاردى.

1980-1985 -جىلدارى ك س ر و جوعارىعى كەڭەسىنىڭ ۇلتتار كەڭەسى ءتوراعاسىنىڭ ورىنباسارى بولدى. 1976 -جىلى ك س ر و مەملەكەتتىك سىيلىعىنىڭ لاۋرەاتى. ەكى رەت لەنين وردەنىمەن، قۇرمەت بەلگىسى وردەنىمەن ماراپاتتالعان. 1990-1993 -جىلدارى وسى كەڭشاردا قاۋىپسىزدىك تەحنيكاسىنىڭ ينجەنەرى، 1993 -جىلدان شارۋا قوجالىعىن باسقاردى. قوستاناي وبلىسىنىڭ جانە قوستاناي قالاسىنىڭ قۇرمەتتى ازاماتى.

null

سوڭعى جاڭالىقتار