تۇستەن كەيىنگى ۇيقى وتە پايدالى - دارىگەرلەر

 استانا. قازاقپارات - امەريكان فيزيولوگتارى كۇندىزگى ۇيقى ادام اعزاسىنا پايدالى دەگەن قورىتىندىعا كەلدى.

عالىمداردىڭ ايتۋىنشا، 30 مينۋتتىق ۇيقى كۇشتىڭ قايتا قالپىنا كەلۋىنە جانە مي جۇمىسى بيوىرعاعىنىڭ جاقسارۋىنا مۇمكىندىك بەرەدى. سونداي-اق، دارىگەرلەر ءدال تۇستەن كەيىنگى ۇيقى پايدالى دەپ ەسەپتەيدى.

ويتكەنى قىسقا دەمالىستان كەيىن جۇمىس ونىمدىرەك بولادى. ادام تەز كۇش جيناپ، جۇمىس كۇنىنىڭ سوڭىنا دەيىن سەرگەك جۇرەدى. ايتا كەتەيىك، سينگاپۋر فيرمالارىنىڭ باسشىلارى قىزمەتكەرلەرىنە تۇستەن كەيىن وتىز مينۋت ۇيىقتاپ الۋعا مۇمكىندىك بەرەدى ەكەن.

جانە ول تۇسكى ءۇزىلىس دەپ ەسەپتەلەدى. بۇل جاعداي قىتايدا دا قالىپتاسقان. ميللياردتار ەلىندە تۇسكى ءۇزىلىستىڭ ءوزىن قىسقى جانە جازعى دەپ ءبولىپ، كەمىندە 1 جارىم ساعات تۇستەنۋگە ۋاقىت بەرەتىن كورىنەدى.

ال ونىڭ جارتى ساعاتى مىزعۋعا ارنالادى ەكەن. ءتىپتى، وندا تۇسكى ۇيقى وقۋشىلار مەن ستۋدەنتتەرگە مىندەتتەلگەن. سونداي-اق، بۇل جاپونيا مەن ا ق ش كومپانيالارى دا قىزمەتكەرلەرى ءۇشىن تاجىريبەدەن وتكىزۋدە. ال يسپانيا مەن لاتىن امەريكالىق ەلدەردە «سيەستا» (تۇسكى ءۇزىلىس) دەگەن تۇسىنىك بار. ياعني ولار كۇننىڭ ەڭ ىستىق ۋاقىتىندا جارتى كۇن دەمالادى.