مەكتەپ پسيحولوگتارىنىڭ ەڭبەكاقىسى ايتارلىقتاي ارتادى

استانا. قازاقپارات - مەكتەپ پسيحولوگتارىنىڭ ەڭبەكاقىسى ارتادى.

بۇل تۋرالى «NurOtanTrends» پىكىرتالاس كلۋبىنىڭ وتىرىسىندا «ەلباسى جولداۋى: قوعامدى ورتاق ماقساتتارعا قالاي جۇمىلدىرامىز؟» تاقىرىبىن تالقىلاۋ كەزىندە ءبىلىم جانە عىلىم ۆيتسە- ءمينيسترى اسحات ايماعامبەتوۆ ءمالىم ەتتى، دەپ حابارلايدى قازاقپارات.

«پسيحولوگ ماماندارعا توقتالساق، بۇگىندە ۋنيۆەرسيتەتتەردى ءتامامداعان تۇلەكتەر مەكتەپتە 60 مىڭ تەڭگە ەڭبەكاقىمەن جۇمىس ىستەۋگە كەلىسپەيدى. سوندىقتان كوپ مەكتەپتەردە سىرتتاي ءبىلىم العان نەمەسە باسقا قىزمەتپەن قاتار الىپ جۇرگەن پسيحولوگتار جۇمىس ىستەپ جۇرگەنىن جاسىرمايمىز. بۇل تۇرعىدا بىلىكتى مامانداردىڭ جوقتىعىنان سۋيتسيدكە جانە باسقا دا پروبلەمالارعا قاتىستى سۇراقتار تۋىندايدى»، - دەپ توقتالدى ا. ايماعامبەتوۆ.

وسى ورايدا ول جولداۋدى جۇزەگە اسىرۋ اياسىندا مەكتەپ پسيحولوگتارىنىڭ ەڭبەكاقىسى وسەتىنىن اتاپ ءوتتى.

«جالپى، مينيسترلىكتە پسيحولوگتار بويىنشا ءتيىستى جۇمىستاردى پىسىقتادى. بۇل باعىتتا ەڭبەكاقى كولەمى ارتادى. ەكىنشىدەن، ساپاعا ەرەكشە ەكپىن قويۋ كەرەك. ول ءۇشىن بىلىكتىلىكتى كوتەرۋدىڭ جاڭا باعدارلاماسى مەن اتتەستاتسيانىڭ جاڭا جۇيەسى ازىرلەنەدى»، - دەدى اسحات ايماعامبەتوۆ.

ەستەرىڭىزگە سالا كەتەيىك، 2018 -جىلعى 5 -قازانداعى قازاقستان رەسۋپبليكاسىنىڭ پرەزيدەنتى نۇرسۇلتان نازاربايەۆ قازاقستان حالقىنا جولداۋىن جاريالادى.