اۋىل پارتياسى دا ەلباسى جولداۋىن قولدادى
وتىرىستا حالىقتىڭ ءال-اۋقاتىن كوتەرۋگە نەگىزدەلگەن جولداۋدىڭ باسىم باعىتتارى مەن ونى ىسكە اسىرۋمەن بايلانىستى ماقسات- مىندەتتەر ءسوز بولدى.
«بيىلعى جولداۋدىڭ ءمانى تەرەڭ. ويتكەنى پرەزيدەنتىمىز حالىق تابىسىنىڭ ءوسۋى، كاسىپكەرلىكتى دامىتۋ، تۇرمىس ساپاسىن ارتتىرۋ سەكىلدى حالىقتىڭ ومىرىمەن تىكەلەي بايلانىستى ماسەلەلەردى قوزعاپ، ولار بويىنشا قۇزىرلى ورگان وكىلدەرىنە ءبىرقاتار مىندەتتەردى جۇكتەدى. ەل تۇرعىندارىنىڭ ءومىر ساپاسى تۇرمىسىن جاقسارتۋدا، ەكونوميكاسى دامىعان، الەۋەتى جوعارى مەملەكەت قالىپتاستىرۋدا اتالعان مىندەتتەردىڭ ماڭىزى زور. جولداۋ جۇكتەگەن مىندەتتەردىڭ اسىرەسە اۋىل حالقىنا ىقپالى وڭ بولادى دەگەن ويدامىز»، - دەدى «اۋىل» پارتياسىنىڭ ءتوراعاسى، ق ر پارلامەنتى سەناتىنىڭ دەپۋتاتى ءالي بەكتايەۆ.
ونىڭ سوزىنشە، جولداۋدان تۋىندايتىن مىندەتتەرگە قاتىستى وتكەن اپتادا تۇركىستان وبلىسىندا 200-دەن استام مۇعالىممەن كەزدەسۋ ءوتىپ، ولاردىڭ ماسەلەلەرى قارالىپ، ۇسىنىستارى تىڭدالدى جانە وسى سەكىلدى كەزدەسۋ الداعى ۋاقىتتا ەلىمىزدىڭ بارلىق وڭىرلەرىندە وتەدى.
سونداي-اق، جيىندا پارتيانىڭ ايماقتارداعى فيليالدارىنىڭ ستراتەگيالىق باعدارلاماسىن تالقىلاپ، ناسيحاتتاۋعا ارنالعان قوعامدىق- ساياسي ءىس-شارالار جوسپارى پىسىقتالىپ، بەكىتىلدى.
ايتا كەتسەك، ەلباسى ۇستىمىزدەگى جالدىڭ 5 -قازانىنداعى «قازاقستاندىقتاردىڭ ءال- اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا اۋىلدىق جەرلەردىڭ الەۋمەتتىك ورتاسىن جاڭعىرتۋ قاجەتتىگىن اتاپ ءوتىپ، وسى ماقساتتا «اۋىل - ەل بەسىگى» جوباسىنىڭ ىسكە قوسىلۋىن جانە اتالعان جوبا ارقىلى وڭىرلەردەگى ەڭبەككە قاتىستى يدەولوگيانى ىلگەرىلەتۋدى قولعا الۋدى تاپسىرعان بولاتىن.