بولتون: ترامپ پەن پۋتين تاياۋ ۋاقىتتا كەزدەسەدى
بولتون پۋتينمەن كەلىسسوزىنەن سوڭ ماسكەۋدە «ينتەرفاكس» اگەنتتىگىنىڭ ورتالىق كەڭسەسىندە باسپا ءسوز ءماسليحاتىن وتكىزدى. ونىڭ ايتۋىنشا، «كەزدەسۋ بيىل 11 - قاراشا - ءبىرىنشى دۇنيەجۇزىلىك سوعىستىڭ اياقتالعانىنا 100 جىل تولعانىن اتاپ وتەتىن كۇنى بولادى».
دجون بولتون ماسكەۋدىڭ «ا ق ش ورتا جانە قىسقا قاشىقتىققا ۇشاتىن زىمىرانداردى جويۋ تۋرالى كەلىسىمنەن شىقسا الەمگە قاۋىپ تونەدى» دەگەن الاڭداۋشىلىعىنا «كەرىسىنشە، رەسەي زىمىراندارىنىڭ ەۋروپا اۋماعىندا ورنالاسقانى قاۋىپتى» دەپ جاۋاپ بەردى.
ا ق ش پرەزيدەنتىنىڭ كەڭەسشىسى بۇعان قوسا ماسكەۋدەگى كەلىسسوزدە ورتا جانە قىسقا قاشىقتىققا ۇشاتىن زىمىرانداردى جويۋ تۋرالى كەلىسىم جانە دونالد ترامپتىڭ ودان شىعۋ تۋرالى شەشىمىنە قاتىستى ماسەلەلەر ەگجەي- تەگجەيلى تالقىلانعانىن حابارلادى.
دجون بولتون ا ق ش- تىڭ بۇل شەشىمىنىڭ سالدارى جەتە تالقىلانباعانىن ايتتى. «ۆاشينگتون رەسەي كەلىسىمدى بۇزىپ وتىر دەپ سانايتىندىقتان، ودان شىعۋ تۋرالى شەشىم قابىلدادى» دەپ مالىمدەدى بولتون.
Reuters اگەنتتىگىنىڭ حابارلاۋىنشا، امەريكالىق ساياساتكەر ماسكەۋدىڭ ا ق ش- تاعى پرەزيدەنت سايلاۋىنا كيلىگۋى رەسەيدىڭ وزىنە كەرى اسەر ەتكەنىنە نازار اۋدارتقان. ونىڭ سوزىنشە، كرەمل «ا ق ش سايلاۋىنا كيلىگۋگە بولمايدى» دەگەن ساباق العان. بولتون رەسەيدىڭ 2016 -جىلى ا ق ش- تاعى پرەزيدەنت سايلاۋىنا كيلىككەنىنەن سايلاۋعا ايتارلىقتاي كەرى اسەرى تيگەنىنە ۆاشينگتوندا دالەل جوعىن ايتتى. دەگەنمەن، بۇل كيلىگۋ رەسەيگە دەگەن سەنىمسىزدىك تۋدىرعان. ماسكەۋ ا ق ش- تاعى سايلاۋعا كيلىككەنىن جوققا شىعارادى.
azattyq.org