بەلگىلى پروموۋتەر گولوۆكيننىڭ كەلەسى قارسىلاسىن اتادى
«مۋراتا مەنىڭشە، برانتپەن باتىل ايقاستى. وعان لايىقتى قۇرمەت ءبىلدىرۋىمىز كەرەك، تەك روب مىقتىراق بولىپ شىقتى. جەكپە-جەك ەسەبى شىندىقتان الىستاۋ بولدى، ءبىراق برانتتىڭ جەڭىسكە جەتكەنى كورىنىپ تۇردى. برانتتىڭ كومانداسىمەن كەلىسسوزدەر وتكىزەمىن. الداعى ۋاقىتتا بانتقا دا، مۋراتاعا دا نەنىڭ جاقسى بولاتىنىن شەشەمىز. كەلەشەكتەگى جوسپارلار جايىلى ونىڭ ادامدارىمەن سويلەسۋ قاجەت. بۇل، مۋراتامەن رەۆانش بولار، مۇمكىن ءبىزدى الدا برانت پەن گولوۆكيننىڭ ايقاسى كۇتىپ تۇرعان شىعار»، - دەپ كەلتىرەدى ارۋمنىڭ ءسوزىن Boxingnews24.
ەسكە سالايىق، وتكەن دەمالىس كۇندەرى لاس-ۆەگاستا (نيەۆادا شتاتى، ا ق ش) جاپون بوكسشىسى ريوتا مۋراتا (14-1، 11 ك و) مەن امەريكاندىق روب برانتتىڭ (23-1، 16 ك و) جەكپە-جەگى ءوتتى.
تورەشىلەردىڭ ءبىراۋىزدان قابىلداعان شەشىمىمەن جەڭىس برانتقا بەرىلدى. وسىلايشا، مۋراتا WBA Regular تۇجىرىمى بويىنشا ورتا سالماقتاعى «تۇراقتى» الەم چەمپيونى تيتۋلىن قورعاي الماي قالدى.
جاپوندىق بوكسشى گەننادي گولوۆكيننىڭ (38-1-1، 34 ك و) كەلەسى قارسىلاسى رەتىندە قاراستىرىلىپ كەلگەن ەدى.