قازاقستاننىڭ باسىم بولىگىندە جاۋىن-شاشىنسىز اۋا رايى ساقتالادى

استانا. قازاقپارات - 24-قازان كۇنى قازاقستاننىڭ باسىم بولىگىندە اۋا رايى جاۋىن-شاشىنسىز بولادى.

رەسپۋبليكانىڭ تەك باتىسى مەن شىعىسىندا اتموسفەرالىك فرونتتاردىڭ وتۋىنە بايلانىستى كەي جەرلەردە جاۋىن-شاشىن جاۋادى. جەكەلەگەن اۋماقتاردا جەل كۇشەيەدى، تۇمان، كوكتايعاق بولادى، دەپ حابارلايدى قازاقپارات.

«قازگيدرومەت» ر م ك- نىڭ مالىمەتىنشە، سولتۇستىك قازاقستان، قاراعاندى، شىعىس قازاقستان، تۇندە جانە تاڭەرتەڭ پاۆلودار، قوستاناي، باتىس قازاقستان، اتىراۋ، ماڭعىستاۋ وبلىستارىنىڭ كەي جەرلەرىندە تۇمان كۇتىلەدى. باتىس قازاقستان، كۇندىز سولتۇستىك قازاقستان، جامبىل وبلىستارىنىڭ جەكەلەگەن اۋماقتارىندا جەل 15-20 م/س كۇشەيەدى. شىعىس قازاقستان وبلىسىنىڭ كەي جەرلەرىندە كوكتايعاق بولادى.