الماتىدا دوسىمەن باستەسىپ قارسى جولمەن كولىك ايداعان جىگىت ۇستالدى

None
None
الماتى. قازاقپارات - الماتىدا ءال-فارابي داڭعىلىندا قاراما-قارسى باعىتپەن كولىك جۇرگىزگەن 19 جاستاعى قۋانىش اكىمگە قاتىستى سوت تالقىلاۋى ءوتتى.

سوتتا جاس جىگىت نەلىكتەن ەرەجە بۇزعانىن مويىندادى، دەپ حابارلايدى قازاقپارات ءتىلشىسى.

الماتى مامانداندىرىلعان اۋدانارالىق اكىمشىلىك سوتىندا قۋانىش 80 مىڭ تەڭگەگە دوسىمەن ءباس تىككەندىكتەن، ءبىر ساعات بويى قاراما-قارسى باعىتپەن ءجۇرۋى ءتيىس بولعانى انىقتالدى.

«قۇقىق بۇزۋشى اقشا ءۇشىن جانە Instagram-داعى پاراقشاسىنا جۇرتتىڭ نازارىن اۋدارۋ ءۇشىن اكىمشىلىك قۇقىقتى بۇزعان. 22 -قازان كۇنى 23:30-دا ازامات ق. اكىم نازاربايەۆ داڭعىلىنان مۇستافين كوشەسىنە دەيىن قاراما- قارسى باعىتپەن جۇرگەن. بۇل ارەكەتى ارقىلى اينالاداعىلارعا قۇرمەتسىزدىك تانىتىپ، قوعامدىق ءتارتىپتى بۇزعان»، - دەلىنگەن سوتتىڭ باسپا ءسوز قىزمەتىنىڭ مالىمدەمەسىندە.

بۇرىن جۇرگىزۋشىگە قاتىستى جول قوزعالىسىنىڭ 7 ەرەجەسىن بۇزعانى ءۇشىن حاتتاما تولتىرىلعانى حابارلانعان بولاتىن. ءباس تىككىش جىگىت اكىمشىلىك جاۋاپقا تارتىلىپ، كولىگى ايىپ تۇراعىنا جىبەرىلدى.

سوڭعى جاڭالىقتار