تۇركىستاندا العاشقى بەس جۇلدىزدى قوناق ءۇيدىڭ قۇرىلىسى باستالدى

None
None
استانا. قازاقپارات - تۇركىستان وبلىسىنىڭ اكىمى جانسەيىت تۇيمەبايەۆ «قالا كۇنى» مەرەكەسىنىڭ قارساڭىندا «RIXOS KHADISHA TURKESTAN» بەس جۇلدىزدى قوناق ءۇيىنىڭ كاپسۋلاسىن سالۋ راسىمىنە قاتىستى، دەپ حابارلايدى وڭىرلىك اكىمدىكتىڭ باسپا ءسوز قىزمەتى.

وندا قوناق ءۇي كەشەنىن جوباسىمەن تانىسىپ، قۇرىلىس جۇمىستارىن سالتاناتتى جاعدايدا باستاپ بەردى. جيىندا بارىسىندا ايماق باسشىسى اتقارىلىپ جاتقان بۇل شارالار - تۇركىستان قالاسىن تۇركى الەمىنىڭ مادەني استاناسى ەتۋدىڭ العى شارتى ەكەنىن اتاپ ءوتتى.

«ءبىزدىڭ وبلىس تاريحي- مادەني مۇرالار مەن ەسكەرتكىشتەرگە باي ءوڭىر. مۇنداي جەرلەرگە تۋريستەر كوپتەپ اعىلاتىنى ءمالىم. سوندىقتان دا ءبىز تۋريستىك ينفراقۇرىلىمدى بارىنشا جاقسارتا ءتۇسۋىمىز كەرەك. ياعني، شەتەلدىك قوناقتاردى جوعارى دەڭگەيدە كۇتىپ الۋ ءۇشىن وڭىردەگى اۋەجاي جانە تەمىر جول جەلىلەرىندە ساپالى قىزمەتتەر كورسەتىلۋى ءتيىس. بۇل تۇرعىدا قوناق ۇيلەردىڭ دە دەڭگەيى جوعارى بولۋى ۇلكەن مانگە يە. دەمەك، قالامىز قوناقتاردىڭ ءجۇرىپ- تۇرۋىنا ىڭعايلا بولسا، كەلەتىن تۋريستەردىڭ سانى دا ارتا تۇسەدى. وسى رەتتە، ءوز قاراجاتى ەسەبىنەن وسىنداي ءزاۋلىم عيمارات سالعالى جاتقان سەرىكجان سەيتجانوۆ مىرزاعا العىس بىلدىرەمىن» ، - دەدى جانسەيىت قانسەيىت ۇلى.

120 ورىنعا شاقتالعان قوناق ءۇي 3 گەكتار اۋماقتا بوي كوتەرەدى. 6 قاباتتان تۇراتىن عيماراتتا 3 بىردەي مەيرامحانا، كينوتەاتر جانە ىسكەر توپ وكىلدەرى ءۇشىن بيزنەس ورتالىقتار جوسپارلانعان. جوبانىڭ جالپى قۇنى 10 ميلليارد  تەڭگەنى قۇرايدى. جوسپار بويىنشا قۇرىلىس جۇمىستارى 2019 -جىلدىڭ جەلتوقسان ايىندا اياقتالادى دەپ كۇتىلۋدە.

Түркістанда алÒ

بۇدان بولەك، وبلىس اكىمى «ROYAL GRAND HOTEL» قوناق ءۇيىنىڭ اشىلۋىنا قاتىستى. 2016 -جىلى قۇرىلىسى باستالعان عيماراتتىڭ جالپى اۋماعى 1,5 مىڭ شارشى مەتر. قوناق ءۇي تاۋلىگىنە 60 ادامعا قىزمەت كورسەتەدى.

 Ð¢Ò¯Ñ€ÐºÑ–станда алÒ

 زاماناۋي قۇرال- جابدىقتارمەن قامتىلعان قوناق ءۇي كەشەنىندە كىشى ماركەت، شاشتاراز، ءدامحانا، مونشا جانە ءدارىحانا جۇمىس ىستەيدى. ودان بولەك، مۇندا قوناقتارعا ارنالعان جەكە اۆتوتۇراق قاراستىرىلعان.

سوڭعى جاڭالىقتار