شارۋا مال باعۋدا ەلەكتروندى باقتاشىنى قولدانادى
شارۋا قوجالىعىن ەسكىشە جۇرگىزۋ - كەشەگى كۇن، سوندىقتان كوپ ويلانباستان زەلەنوۆ اۋدانىنىڭ فەرمەرى وندىرىسكە جاڭا تەحنولوگيالاردى ەنگىزدى. قازىرگى تاڭدا قوجالىقتا ەكى ەلەكتروندى باقتاشى بار، ەندى ورىستەگى مالدى GPS ارقىلى ونلاين باقىلاۋعا بولادى. شارۋا قوجالىعىن كەڭەيتىپ، ەت باعىتىن يگەرۋ ماقساتىندا ەلدار اليەۆ «باستاۋ» جوباسىنا قاتىستى. شارۋا جوباسىن قورعاپ، جەڭىلدىكپەن نەسيەنى «اۋىل شارۋاشىلىعىن قارجىلاي قولداۋ» قورى ارقىلى الدى.
«العاش رەت نەسيەلەۋدى پايدالانىپ وتىرمىن. «سىباعا» باعدارلاماسىمەن 30 ميللون تەڭگە الدىم، 19,5 ميللون تەڭگەگە ءىرى قارا مالىن ساتىپ الۋ، 5,5 ميللون تەڭگە تراكتور جانە 5 ميللون تەڭگە جەم- ءشوپ دايىنداۋعا جۇمساۋ كوزدەلگەن. نەسيە مەرزىمى - 15 جىل. جەڭىلدەتىلگەن كەزەڭ - 2 جىل. 12 ميللون تەڭگەنى ماعان جىلدىق %4 بەن جانە 18 ميللون تەڭگەنى% 14 بەن بەردى، ونىڭ ىشىندە %10 دى مەملەكەت سۋبسيديالايدى. سونىمەن قاتار اۋىل شارۋاشىلىعى باسقارماسى 1 باس اسىل تۇقىمدى ءىرى قاراعا 225 مىڭ تەڭگە سۋبسيديا بولەدى. ناتيجەسىندە 000 250 23 تەڭگە ءبولىپ، جىلدار بويىنشا پايىزدار تولەيدى» ، - دەدى شارۋا ەلدار اليەۆ.
اسىل تۇقىمدى مال شارۋاشىلىعىندا 15 جىلدىق تاجىريبەسى بار ەلدار ءبىرىنشى كەزەكتە مال باعۋدى جولعا قويدى. ونىڭ جايىلىمدىق جەرلەرى جانىندا باسقا شارۋا قوجالىقتارى ورنالاسقاندىقتان، مالدىڭ كورشى ەگىستىكتەرىن ءبۇلدىرىپ، اۋرۋ مالمەن ارالاسىپ، اۋرۋ جۇقتىرۋ قاۋىپى جوعارى بولدى. باقتاشى قانشالىقتى ساق بولسا دا ۇلكەن تابىندى باسقارۋ قيىن، سوندىقتان شارۋا ەلەكتروندى باقتاشىنى قوندىردى. قۇرىلعى كۇن ساۋلەسىنەن قۋات الادى، بۇل ءتيىمدى، ۇنەمدى ءارى قاۋىپسىز. «قازىرگى تاڭدا 70 گەكتار جانە 230 گەكتار ەكى جايىلىم جەردە ەكى ەلەكتروندى باقتاشى بار. قوندىرعىلاردى الماتى مەن رەسەيدەن الدىرتتىم. جاڭا تەحنولوگيالار تيىمدىلىگى ايتارلىقتاي. مال قورشاۋدان تىس شىقپايدى. بۇعان قوسا سيىرلار مەن جىلقىلارعا GPS ورناتتىم، ەندى تەلەفون ارقىلى ورىستەگى مال باعىتىن باقىلاپ وتىرمىن» ، - دەدى كاسىپكەر.
جاڭا تەحنولوگيالار شارۋاعا جاقسى قولقانات بولدى. مال تاۋلىك بويى جايىلىمدا، سايكەسىنشە ارتىق كۇش جۇمساماي مال وزدىگىنەن سالماق قوسادى. قازىرگى تاڭدا شارۋا قوجالىعىنىڭ باسشىسى قىسقا دايىندىق ۇستىندە. ءبىر ايدان سوڭ موردوۆيادان 30 باس ابەردين- انگۋس تۇقىمى كەلەدى. وندا مال ازىرگە كارانتينگە قويىلعان. ەتتى باعىتتان بولەك ەلدار اليەۆ ءسۇتتى باعىتتى دا دامىتىپ وتىر. بۇگىندە قوجالىقتا 40 ساۋىن سيىر بار. ەندى ءسۇت وڭدەۋ مەن پاستەرلەۋ ءوندىرىسىن قولعا الۋ جوسپاردا. شارۋا نەسيەنى مەرزىمىنەن بۇرىن وتەپ، الاڭسىز جەكە كاسىپتى دوڭگەلەتكىسى كەلەدى. ول ءۇشىن جۇمىسشىلار جەتكىلىكتى. ەلدار اليەۆ جۇمىس بەرۋشى رەتىندە قىزمەتكەرلەرگە باسپانا بەرىپ، ەڭبەكاقىنى تۇراقتى تولەپ وتىر، ولارعا جاعداي جاساۋعا تىرىسۋدا. مال ءوسىرۋ - قيىن ەڭبەك ەكەنىنە قاراماستان ەلدار مويىمايدى، كەرىسىنشە مەملەكەتتىڭ قولداۋىنا العىس ايتادى.
Massaget.kz