بوكسشى جانقوش تۇراروۆ سوتتا جاۋاپ بەرۋدە

None
None
الماتى. قازاقپارات - بەلگىلى قازاقستاندىق بوكسشى جانقوش تۇراروۆ سوت الدىندا جاۋاپ بەرەدى، دەپ حابارلايدى قازاقپارات ءتىلشىسى.

سپورتشىعا بىرنەشە اداممەن بىرىگىپ بۇزاقىلىق جاسادى دەگەن ايىپ تاعىلىپ وتىر.

 «سوت كابينەتى» رەسۋرسىنداعى اقپاراتقا سۇيەنسەك، اكىمشىلىك ءىس المالى اۋداندىق سوتىندا قاراستىرىلىپ جاتىر.

 « ءىس ماتەريالدارىنا سايكەس، 2018 -جىلدىڭ 25 - مامىرىندا كەشكى ساعات 19:00 دەر شاماسىندا ج. تۇراروۆ مەن د. ماحامبەت «SkyBar» تۇنگى بارىنا دوستارى وتاربايەۆپەن جولىعۋعا كەلگەن.

 تۇنگى كلۋبقا كىرە بەرىستە تۇراروۆ پەن كلۋبتىڭ قاۋىپسىزدىك قىزمەتكەرلەرى القوجايەۆ پەن جارىلقاسىنوۆ سوزگە كەلىپ قالعان. ەكى اراداعى داۋ- جانجال باسىلماي كەرىسىنشە ۇدەي تۇسكەن. كوپ ۇزاماي جىگىتتەر كلۋب سىرتىنداعى اۋلالاردىڭ بىرىنە بەتتەگەن. جارىلقاسىنوۆ ءبىرىنشى بولىپ تۇراروۆ جاققا تراۆماتيكالىق تاپانشادان ءبىر رەت وق اتادى. سوندا سىرتتان باقىلاپ تۇرعان وتاربايەۆ «Streamer» تراۆماتيكالىق تاپانشاسىنان بىرنەشە رەت وق اتقان. وق اتۋدان سوڭ جاستار جۇدىرىقتاسۋعا كوشكەن» ، - دەدى الماتى قالالىق سوتىنىڭ باسپا ءسوز قىزمەتى.

قازىر اكىمشىلىك سوتتا ق ر ق ك 293 - بابىنىڭ 2 - بولىمىمەن، 287 - بابىنىڭ 2 - بولىمىمەن القوجايەۆ، ك. وتاربايەۆ، ن. جارىلقاسىنوۆ جاۋاپ بەرىپ جاتىر. ال تۇراروۆ پەن ماحامبەتكە ق ر ق ك 293 - بابىنىڭ 2 - ءبولىمى بويىنشا ايىپ تاعىلدى.

 

اۆتور: گۇلميرا ءعوسمانالي

سوڭعى جاڭالىقتار