قىرىقتان اسسا دا قىزداي كورىنەتىن اكتريسا جاستىعىنىڭ قۇپياسىمەن ءبولىستى
چيا 44 جاسقا تولعان تۋعان كۇنىن 35 جاستاعى كۇيەۋى جانە ءۇش قىزىمە بىرگە اتاپ ءوتتى. قىزدارىنىڭ ۇلكەنى 13, ال كەنجەسى ءبىر جاسار.
«تۋعان كۇن - بارلىق ايەل جاقسى كورەتىن ءارى جەك كورەتىن كۇن. ۇلكەن قىزىم مەنى ەكى رەت 22 جاسقا تولۋىممەن قۇتتىقتادى» ، - دەپ جازدى ول Weibo جەلىسىندە.
پىكىر قالدىرۋشىلار اكتريسانىڭ سۇلۋلىعىنا تامسانىپ، ونىڭ 18 جاستاعى قىزداي ەكەنىن جازۋدا.
ءوز كەزەگىندە اليسسا چيا ىشىمدىكتەن مۇلدە باس تارتىپ، كەشكە جانە تۇندە تاماق جەمەيتىندىكتەن سۇلۋلىعىن ساقتاپ قالعانىن ايتتى. سونىمەن قاتار ول قۋىرىلعان جانە اشى تاعامداردان باس تارتۋعا تىرىساتىنىن جاسىرمادى.
اكتريسانىڭ سوزىنشە، ول ۇيقىعا ەرتە جاتادى.
«ۇيقىعا جاتاردان ەكى ساعات بۇرىن تەلەفوننان الشاقتاپ، ۇنەمى جىلى سۋ ءىشىپ، كەمىندە اپتاسىنا ەكى رەت سپورتپەن اينالىسامىن» ، - دەيدى ول.
سونداي- اق، اكتريسا تىنىعا ءبىلۋدى ەڭ باستى ەرەجە رەتىندە اتادى.
«وزىڭە دەگەن ماحابباتتى ءبىلدىرۋدىڭ ءتۇرلى جولى بار. بەتىڭىزگە، تابانىڭىزعا ماسساج جاساۋعا ۋاقىتىڭىز بار ەكەنىنە كوز جەتكىزىڭىز. سونىمەن قاتار وزىڭىزگە دەمالۋعا مۇمكىندىك بەرىڭىز» ، - دەپ جازدى چيا.
اليسسا چيا قىتايدا جانە وڭتۇستىك- شىعىس ازيادا تانىمال. ول 16 جاسىنان بەرى جارنامالىق روليكتەرگە، تايۆاندىق تەلەحيكايالار مەن قىتايلىق فيلمدەرگە ءتۇسىپ كەلەدى. سونىمەن قاتار اكتريسا تەلەباعدارلامالاردى جۇرگىزەدى ءارى انشىلىگى دە بار.
Stan.kz