ءبىر كۇش قىسىپ، وسى جولعا ءتۇستىم: تۇركىستان وبلىسىندا كۇيەۋى مەن ايەلىنە بىردەي ەمشىلىك قاسيەت قونعان

 استانا. قازاقپارات - تۇركىستان وبلىسىنىڭ ورداباسى اۋدانى تەمىرلان اۋلىندا تۇراتىن ەركىنبەك بيباتىر مەن جۇبايى ءلاززات ناۋرىزباي قىزى ءتۇرلى دەرتكە شالدىققانداردى قاسيەتتى قۇرانمەن دەم سالىپ، قولىنداعى بيوتوكتىڭ كومەگىمەن دەنەنى ۋقالاۋ ارقىلى ەمدەپ ءجۇر.

دەرتىنەن ايىعۋ ءۇشىن ەمشىلەردىڭ الدىنا كەلگەن ناعيما ءمادي ەسىمدى تۇرعىننىڭ 5- سىنىپتا وقيتىن نەمەرەسى اللەرگيالىق استماعا شالدىققان. ونىڭ سوزىنشە، تىنىس الۋى قيىنداعان بالا 20 كۇننىڭ ىشىندە ءدارى- دارمەك قابىلداۋدى دوعارعان، دەپ حابارلايدى «زامانا» گازەتى.

ال سوزاق اۋدانىندا تۇراتىن مارات بايدۋللايەۆتىڭ ەركىن ەسىمدى ۇلى جۇرە الماي قالعان. ەركىنبەك بيباتىردىڭ ەمشىلىگى تۋرالى ەستىگەن ول تەمىرلان اۋلىنا جول تارتادى.

بالامدى دارىگەرلەرگە كورسەتتىم. د ت س پ دەگەن دياگنوز قويدى. العاشقىدا قولدارى تارتىلىپ قالاتىن. وسى ەمشىلەرگە قارالىپ جۇرگەنىمىزگە قازىر ءبىر اي شاماسىنداي ۋاقىت بولىپ قالدى. شۇكىر، بالامنىڭ بەتى بەرى قارادى» ، - دەيدى مارات بايدۋللايەۆ.

ال ەمشى ەركىنبەك بيباتىردىڭ ءوزى بويىنداعى ەمشىلىك جاراتقاننىڭ دارىتقان قاسيەتى ەكەنىن ايتۋدا. ونىڭ سوزىنشە، وتكەن جىلى 27 جىل بويى تسيستيتپەن اۋىرعان ناۋقاستى ەمدەپ- جازىپتى.

 «ءيا، ءبىز جۇبايىمىز ەكەۋمىز دە ەم جاسايمىز. اياعى قاقساپ، باسى اۋىرعانداردى، اسقازان- ىشەك اۋرۋلارىن، توق ىشەك گەموررويىن، قۋىق، وڭەش، القىم بەزىنىڭ قابىنۋىن، ۇرشىق باسىنىڭ جەتىلمەۋىن، ديسپلازيانى، ەرلەردىڭ قۋىق استى بەز قابىنۋلارىن (پروستاتيت) ، ايەلدەگى ءتسيستيتتى ەمدەپ ءجۇرمىز. ونىڭ ءبارى جاساعان يەمىزدىڭ بويىمىزعا بەرگەن قاسيەتىنىڭ ارقاسى.

كەلىنشەگىمە ەمشىلىك جاستايىنان قونعان. كەيىننەن مەنى دە ءبىر كۇش قىسىپ، وسى جولعا ءتۇستىم. ەكەۋمىزدىڭ بىرگە ەم جاساپ جۇرگەنىمىزگە ءتورت- بەس جىل بولىپ قالدى. ادەتتە ونىمىزدى جۇرتقا جاريا ەتە بەرمەيمىز. ەستىگەن- بىلگەن ادامدار وزدەرى ىزدەپ كەلىپ جاتادى. ەمدەرىن قابىلداپ، ساۋىعىپ كەتكەندەر دە كوپ. بىلتىر 27 جىل ءتسيستيتتىڭ اسقىنۋىنان زارداپ شەككەن ءبىر قىزدى ەمدەپ جازدىق. ون كۇن ىشىندە ءتاۋىر بولدى. ديسپلازياسى بار بالالاردى اكەلۋشىلەر كوپ» ، - دەيدى ەمشى.

دەرتى قىسىپ، ەم قونباعاندا قاسيەتتى قۇراننان داۋا تاپقاندار جوق ەمەس. مۇنداي جاعدايدا دارىگەرگە نە ەمشىگە جۇگىنۋ ادامداردىڭ ءوز ەركىندە. دەسە دە ەمشىلەردىڭ الدىنا بارعاندا دا اباي بولىپ، جۇرگىزەتىن ەمى مەن بەرگەن دارىلىك زاتتارىنا ساقتىقپەن قاراعان دۇرىس ەكەنىن ايتا كەتەمىز.

ايتا كەتسەك، بۇعان دەيىن شىمكەنتتە بەدەۋلىكتى ەمدەۋ ءۇشىن ەمشىگە بارعان كەلىنشەكتەر جانساقتاۋ بولىمىنەن ءبىر- اق شىققان ەدى.

Stan.kz