قىتايدا الەمدەگى ەڭ ۇزىن تەڭىز كوپىرى اشىلدى
سالتاناتتى راسىمگە ق ح ر ءتوراعاسى شي جينپين، گونكونگ اكىمشىلىگىنىڭ باسشىسى كەرري لام، ق ح ر مەملەكەتتىك كەڭەسىنىڭ ۆيتسە- پرەمەرى حان چجەن، گۋاندۋن لي سي پروۆينتسياسى پارتكوم حاتشىسى جانە 700 گە جۋىق قوناق قاتىستى. گونكونگتان چجۋحايعا باراتىن جولدى 3 ساعاتتان 30 مينۋتقا دەيىن قىسقارتۋعا مۇمكىندىك بەرەتىن كوپىرمەن ەركىن قوزعالىس سارسەنبى كۇنى اشىلادى. الدىن الا ەسەپتەۋ بويىنشا، 2030 -جىلعا قاراي كۇن سايىن كوپىر ارقىلى 29 مىڭنان استام تاسىمال كولىگى مەن 120 مىڭنان استام جولاۋشى وتەتىن بولادى.
ول ەكونوميكالىق ينتەگراتسياعا جانە ءىنجۋ وزەنىنىڭ ەكونوميكالىق ايماعىنىڭ ءۇش ماڭىزدى قالاسىن دامىتۋعا، سونداي- اق گونكونگ پەن ماكاو تۋريزمىنە ىقپال ەتەدى دەپ كۇتىلۋدە. سونداي- اق ءۇش قالا اراسىندا 10-15 مينۋت سايىن جانە تۇنگى ۋاقىتتا 15-30 مينۋت سايىن تاۋلىك بويى جۇرەتىن اۆتوبۋستاردى ىسكە قوسۋ جوسپارلانىپ وتىر. بۇل قالا ىشىندەگى كەپتەلىس ماسەلەسىن شەشەدى دەيدى جەرگىلىكتى تۇرعىندار.