تۇرسىنبەك: بۇجىربەت دوكەيلەر ۇيگە ىزدەپ كەلىپ، تەلەفونعا نەگە جاۋاپ بەرمەيسىڭ دەگەن كەزدەرى بولدى
«مەن قىزدارىممەن اشىق سويلەسەم. اناسىنان گورى ماعان جاقىن. 13 جاستاعى قىزىما قىز- جىگىت اراسىندا بولاتىن قاتىناس تۋرالى ايتىپ تۇسىندىرەم. قىزدارىمنىڭ بارىنە كۇيەۋدى ءوزىم تاۋىپ بەرەم دەپ وتىرام. قىزدارىم وعان كونەدى. ويتكەنى قىزدار جاستىق شاقتا سوقىر بولادى. سەزىمگە ەرەدى. مەن ءالى كۇنگە دەيىن قىزدارىمنىڭ قۇلاعىن تەسكەن جوقپىن. سىرعا سالعاندا ءبىر- اق تەسەدى. قازاقتىڭ سىرعا سالۋى سودان شىققان دەپ ويلايمىن» ، - دەيدى قاباتوۆ The ەفير باعدارلاماسىندا.
ول توي قالاماقىسىن نە سەبەپتى 15 مىڭ دوللارعا كوتەرگەنىن ايتتى. ءوزىنىڭ شىعارماشىلىقپەن اينالىسقىسى كەلەتىنىن جەتكىزدى.
«تويعا شاقىرۋشىلار كوپ بولىپ، ۇلگەرمەي كەتتىم. اركىم ارقىلى شىعىپ ۇسىنىس ايتاتىندار بولدى. اتىن اتاماي- اق قويايىن، بۇجىربەت ءبىر كىسىلەر تەلەفوندى نەگە كوتەرمەيسىڭ دەپ ەسىك الدىنا دەيىن كەلگەن كەزدەر بولدى. اكىمدىك اتىنان شىعىپ حابارلاسىپ جاتتى. وسىنىڭ ءبارى شارشاتتى. سوسىن قالاماقىنى 15 مىڭ دوللارعا كوتەرىپ تاستادىم. وسى باعاعا كەلىسەتىنەرگە بارام. باسقا ۋاقىتتا قۇلاعىم تىنىش. شىعارماشىلىقپەن اينالىسۋعا ۋاقىت تابىلدى. تويدان تاپقان اقشامەن- اق كۇن كورۋگە بولاتىن ەدى. ءبىراق مەن ساحنادا ءومىر سۇرگىم كەلەدى. ءوز تەاترىمدى اشقىم كەلەدى. كينو سالاسىندا جۇمىس ىستەپ جاتىرمىن. ال، تويعا اراسىندا عانا شىعىپ تۇرام» ، - دەيدى تۇرسىنبەك.
Stan.kz