ماڭعىستاۋدا سۋ تۇشىتۋ زاۋىتىنىڭ قۇرىلىسى باستالادى

استانا. قازاقپارات - ماڭعىستاۋ وبلىسىندا سۋ تۇشىتۋ زاۋىتىنىڭ قۇرىلىسى باستالادى. بۇل تۋرالى بۇگىن ۇكىمەت وتىرىسىندا ق ر ينۆەستيتسيالار جانە دامۋ ءمينيسترى جەڭىس قاسىمبەك ءمالىم ەتتى، دەپ حابارلايدى قازاقپارات ءتىلشىسى.

ونىڭ ايتۋىنشا، مەملەكەت باسشىسىنىڭ جولداۋىن ىسكە اسىرۋ اياسىندا مينيسترلىك تۇرعىن ءۇي- كوممۋنالدىق شارۋاشىلىقتاعى 11 جەرگىلىكتى مەملەكەتتىك- جەكەشەلىك جوبانىڭ ىسكە اسىرىلۋىنا مونيتورينگ جاساعان. بۇگىنگى كۇنى اتىراۋ، شىعىس قازاقستان، پاۆلودار وبلىستارى جانە الماتى قالاسىندا 6 جوبا بويىنشا جەكە ينۆەستورلارمەن شارت راسىمدەلگەن.

 «سونىمەن بىرگە، ءبىز قۇنى 50 ميلليارد تەڭگە بولاتىن ماڭعىستاۋ وبلىسىنداعى سۋ تۇشىتۋ زاۋىتىن سالۋ جونىندەگى كونسەسسيالىق جوباسىن ەڭ پەرسپەكتيۆالى جوبا دەپ سانايمىز. بۇگىنگى كۇنى اكىمدىكپەن ەكى كەزەڭدىك كونكۋرستىڭ ناتيجەسىندە جەكە ارىپتەس انىقتالدى. بۇل جوبانى ىسكە اسىرۋ وڭىردەگى اۋىز سۋدىڭ تاپشىلىعىن 71,4 پايىزعا دەيىن تومەندەتۋگە مۇمكىندىك بەرەدى»، - دەدى جەڭىس قاسىمبەك.

ءمينيستردىڭ سوزىنە قاراعاندا، ەنەرگيا ۇنەمدەۋ سالاسىندا «ترانسپورت تاۋەر» اكىمشىلىك- تەحنولوگيالىق كەشەنى عيماراتىنىڭ جارىقتاندىرۋ جۇيەسىن جاڭعىرتۋ جانە پايدالانۋ» جوباسى مەملەكەتتىك- جەكەشەلىك ارىپتەستىك اياسىندا جۇزەگە اسىرىلادى.

 «شارت 2018 -جىلدىڭ مامىر ايىندا وتاندىق جارىق ديودتى تەحنيكا وندىرۋشىسىمەن جاسالدى. وسى ايدىڭ سوڭىنا دەيىن جوبا بويىنشا بارلىق جۇمىستار اياقتالادى. سونىمەن قاتار، ەنەرگيا ۇنەمدەۋ سالاسىندا وڭىرلەرمەن بىرلەسىپ جالپى سوماسى 9,7 ميلليارد تەڭگەگە بولاتىن 3 جوبانى ىسكە اسىرىلۋدا. پاۆلودار وبلىسىندا قۇنى 4,6 ميلليارد تەڭگە بولاتىن پاۆلودار جانە ەكىباستۇز قالالارىنىڭ سىرتقى جارىقتاندىرۋ جۇيەسىن جاڭعىرتۋ جانە پايدالانۋ» جوباسى بار. جوبالار بويىنشا شارتتار 7-8 جىل مەرزىمگە جاسالدى. ونىڭ اياسىندا جارىقتاندىرۋ كوزدەرىن ءتيىمدى ەنەرگيا تۇرلەرىنە اۋىستىرۋ، كوشەنىڭ جارىقتاندىرۋ جەلىلەرىن جاڭعىرتۋ، باسقارۋدىڭ اۆتوماتتاندىرىلعان جۇيەسىن ەنگىزۋ كوزدەلگەن»، - دەدى ول.

مينيستر «اتىراۋ قالاسىندا كوشە جارىق جەلىلەرىنىڭ قۇرىلىسى جانە پايدالانۋ» جوباسى جۇزەگە اسىرىلا باستاعانىن ايتتى.

 «شارت 7 جىلعا «باتىس ترانزيت» ج ش س- مەن 5,1 ميلليارد تەڭگەگە جاسالدى»، - دەدى جەڭىس قاسىمبەك.

اۆتور: مارلان جيەمباي