قازاقستاندا شىعارىلعان كولىكتەردىڭ قايسىسى ءوتىمدى
«ەسەپتى كەزەڭدە قازاقستاندا شىعارىلعان كولىكتەردىڭ جالپى قۇنى 140,9 ميلليارد تەڭگەگە باعالانىپ وتىر. جالپى، جەڭىل اۆتوموبيل ءوندىرۋ 82,6 پايىزعا ءوسىپ، 21137-گە جەتتى. ونىڭ ىشىندە 13365- ءى «ازيا اۆتو» ا ق- عا، ال 7727- ءسى «سارى ارقا اۆتوپروم» ج ش س- نا تيەسىلى»، - دەلىنگەن تاراتىلعان مالىمەتتە.
بيىلعى 9 ايدىڭ قورىتىندىسى بويىنشا اۆتوبۋس (231 كولىك) شىعارۋ 1,9 ەسەگە قىسقارسا، جۇك كولىكتەرىن (802 كولىك) ءوندىرۋ 17,2 پايىزعا تومەندەدى. ال ارنايى تەحنيكانى شىعارۋ دەڭگەيى 144-تەن 151-گە دەيىن ءوستى.
جىل باسىنان بەرى وتاندىق اۆتوزاۋىتتار وتكىزگەن كولىكتەر 20644-كە جەتىپ، بۇل كورسەتكىش بىلتىرعى دەڭگەيدەن 58,2 پايىزعا ارتىق بولدى. بەلگىلى بولعانداي، جەرگىلىكتى ءوندىرىستىڭ اۆتوكولىكتەرىن ساتىپ الۋعا ەل تۇرعىندارى 119,7 ميلليارد تەڭگە جۇمسادى. بۇل ءوز كەزەگىندە ءبىر جىل بۇرىنعى كورسەتكىشتەن 59,6 پايىزعا جوعارى.
9 ايدا قازاقستاندا قۇراستىرىلعان جەڭىل كولىكتەردىڭ اراسىندا سۇرانىسقا يە برەندتەردىڭ بەستىگىنە
Lada, Hyundai, KIA, JAC جانە Chevrolet ەندى. وتاندىق كاسىپورىندار ۇسىناتىن ماركالاردىڭ تىزىمىندە
Ravon, Skoda, Peugeot, SsangYong بار ەكەنىن اتاپ وتكەن ءجون.
اتالعان مەرزىمدە 2728 اۆتوموبيلدى جەڭىلدىكتى اۆتونەسيەلەۋ مەم باعدارلاماسىنا قاتىسقاندار ساتىپ الدى.
اۆتور: رۋسلان عابباسوۆ