16:30, 18 - قىركۇيەك 2020 | GMT +6
مىسىقتار سۋدان نەگە قورقادى؟
الماتى. قازاقپارات - تاماق پەن قاۋىپسىزدىك مىسىقتار ءۇشىن بارىنەن ارتىق. بۇل ولاردىڭ نەگىزگى ينستينكتەرى.
انگلياداعى ءۇي جانۋارلارى ينستيتۋتىنىڭ ماماندارى مىسىقتاردىڭ سۋدان نەگە قورقاتىنىن انىقتادى.
مىسىقتاردىڭ ءجۇنى ولاردى توڭىپ قالۋدان ساقتايدى. ياعني قورعانىش فۋنكسياسىن اتقارادى. ال مىسىقتىڭ ۇستىنە تيگەن سۋ وسى فۋنكسيانى بۇزادى. ال مىسىقتار يتتەر سياقتى تەمپەراتۋراسىن بىرنەشە مينۋتتا قالپىنا كەلتىرە المايدى. سونداي-اق مىسىقتار سۋدىڭ قۇلاقتارىنا كىرىپ كەتۋى مۇمكىن. جانە مىسىقتاردىڭ جۇنىنە سۋ تيگەندە جاعىمسىز ءيىس شىعادى. بۇل دەنەنىڭ سالقىنداۋىمەن جانە تەمپەراتۋرانى ارتۋىنا بايلانىستى.
دەرەككوز: life.ru