جانىبەك ءالىمحان ۇلى: ماعان رينگتە السىزدەردىڭ كەرەگى جوق
«مىقتىنى ۇتساڭ عانا مىقتى بولاسىڭ. مىقتىنى جەڭگەندە عانا چەمپيوندىق بەلبەۋگە جاقىندايسىڭ. ماعان رينگتە السىزدەردىڭ كەرەگى جوق. 3- قاراشا كۇنى 13 جەكپە-جەگىنىڭ 12 ءسىن ۇتقان، تەك 1 عانا جەكپە-جەگىندە تورەشىلەردىڭ شەشىمىمەن ۇتىلعان ۆان الەكساندرمەن جۇدىرىقتاسامىن. قازاق بوكس ءستيلىن 3- قاراشادا الەم جانكۇيەرلەرىنە كورسەتەمىز»، - دەپ جازدى جانىبەك ءالىمحان ۇلى ءوزىنىڭ ينستاگرام پاراقشاسىندا.
ەسكە سالا كەتسەك، جانىبەك ءالىمحان ۇلىنىڭ كەزەكتى قارسىلاسىنىڭ كىم ەكەنىن، كاسىپقوي بوكستاعى دارەجەسى تۋرالى بۇعان دەيىن حابارلاعان بولاتىنبىز.
ايتا كەتكەن ءجون، 29- قىركۇيەكتە جانىبەك ءالىمحان ۇلى (2-0، 1 ك و) كاسىپقوي بوكس رينگىندەگى ءوزىنىڭ ءۇشىنشى جەكپە-جەگىن جەڭىسپەن اياقتاعان بولاتىن. ا ق ش- تىڭ كاليفورنيا شتاتىنداعى وكلەند قالاسىندا كولۋمبيالىق كارلوس گالۆانمەن (16-7-1، 15 ك و) كەزدەسۋدە وتانداسىمىز تورەشىلەردىڭ شەشىمىمەن جەڭىسكە جەتكەن ەدى.
اۆتور: ايان بەكەن ۇلى