نۇرسۇلتان نازاربايەۆتىڭ رەسەي جانە وزبەكستان پرەزيدەنتتەرىمەن كەزدەسۋىنىڭ ۆيدەوسى جاريالاندى
شاعىن ۆيدەودا كورشىلەس ءۇش مەملەكەت باسشىلارىنىڭ ەركىن فورماتتا اڭگىمەلەسىپ وتىرعانىن كورۋگە بولادى.
اڭگىمە سوڭىندا نۇرسۇلتان نازاربايەۆ، ۆلاديمير پۋتين مەن شاۆكات ميرزيييەۆ ءبىر- ءبىرىنىڭ قولىنان ۇستاپ، فوتوسۋرەتكە ءتۇستى.
ەسكە سالا كەتسەك، ءۇش ەلدىڭ باسشىلارى سارىاعاشتا 20 - قازاندا كەزدەسكەن بولاتىن. مەملەكەتتەر باسشىلارى بەيرەسمي كەزدەسۋ بارىسىندا ەلدەر اراسىنداعى، سونىڭ ىشىندە ساۋدا- ەكونوميكالىق جانە مادەني- گۋمانيتارلىق سالالارداعى ىنتىماقتاستىقتىڭ وزەكتى ماسەلەلەرىن تالقىلاعان ەدى.
سونىمەن قاتار، باسقوسۋدا قازاقستان رەسپۋبليكاسىنىڭ، رەسەي فەدەراتسياسىنىڭ جانە وزبەكستان رەسپۋبليكاسىنىڭ تمد جانە باسقا دا حالىقارالىق ۇيىمدار اياسىنداعى ءوزارا ءىس- قيمىل ماسەلەلەرى قاراستىرىلدى. سونداي- اق، تاراپتار وڭىرلىك جانە حالىقارالىق كۇن تارتىبىندەگى باستى اسپەكتىلەر جونىندە پىكىر الماستى.
***
الەۋمەتتىك جەلىدە قازاقستان پرەزيدەنتى نۇرسۇلتان نازاربايەۆتىڭ «ازيا- ەۋروپا» فورۋمىنىڭ 12- سامميتىنە قاتىسقان ءساتى بەينەلەنگەن ۆيدەو تارالدى، دەپ حابارلايدى قازاقپارات ءتىلشىسى ق ر پرەزيدەنتىنىڭ تەلەراديوكەشەنىنە سىلتەمە جاساپ.
ەستەرىڭىزگە سالا كەتسەك، مەملەكەت باسشىسى بريۋسسەلدە «ازيا- ەۋروپا» (اسەم) فورۋمىنىڭ 12- سامميتىنە قاتىستى.
سامميت اياسىندا نۇرسۇلتان نازاربايەۆ فرانسيا رەسپۋبليكاسىنىڭ پرەزيدەنتى ەممانيۋەل ماكرونمەن، بەلگيا كورولى فيليپپەن، حالىقارالىق ساۋدا ورتالىقتارى قاۋىمداستىعى (WTCA) باسقارما ءتوراعاسىنىڭ ورىنباسارى رولف درااكپەن جانە جاپونيا، كورەيا ەلدەرىنىڭ باسشىلارىمەن كەزدەستى.
مەملەكەت باسشىسى سامميتتىڭ پلەنارلىق وتىرىسىندا سويلەگەن سوزىندە قاقتىعىستاردىڭ كوبەيۋى، سانكسيا جانە ساۋدا سوعىستارىنىڭ ءورشۋى جاعدايىندا حالىقارالىق ساياسات شيەلەنىستىڭ شەگىنە جەتىپ وتىرعانىن اتاپ ءوتتى.
«ءبىز بۇگىنگى «ازيا- ەۋروپا» فورۋمىنىڭ سامميتىن وسى پروبلەمالاردى شەشۋ ءۇشىن پايدالانۋىمىز قاجەت. وكىنىشكە قاراي، قازىرگى كەزدە الەم تابىستى ديالوگ پەن ءوزارا تۇسىنىستىككە قول جەتكىزە الماي كەلەدى. ءبارىمىز وتكەن عاسىردىڭ 60-جىلدارىنداعى كاريب داعدارىسىن ەسكە سالاتىن بۇگىنگى ەكونوميكالىق جانە ساياسي تەكەتىرەستەرگە كۋا بولىپ وتىرمىز»، - دەدى قازاقستان پرەزيدەنتى.
نۇرسۇلتان نازاربايەۆ بۇل سامميت ا ق ش، رەسەي، قىتاي سياقتى الەمنىڭ ءىرى ەلدەرىن، ەۋروپا وداعىن حالىقارالىق شيەلەنىستەردى شەشۋدىڭ جولىن ىزدەۋگە شاقىرۋى قاجەت ەكەنىن ايتتى.
«ەگەر سيرياداعى، ۋكرايناداعى جانە وزگە دە ەلدەردەگى پروبلەمالاردى رەتتەمەسەك، احۋال ودان دا كۇردەلەنە تۇسەدى. بالليستيكالىق راكەتالاردىڭ تارالۋ قاۋپى سەيىلمەيىنشە، حالىقارالىق تەرروريزم باستى ماسەلە بولىپ قالا بەرمەك»، - دەدى مەملەكەت باسشىسى.
اۆتور: مارلان جيەمباي