گولليۆۋد كينوفەستيۆالىندە «امىرە» فيلمى جۇلدەگە يە بولدى
قازاقتىڭ تەنور داۋىستى ءبىرتۋار ءانشىسى امىرە قاشاۋبايەۆتىڭ عۇمىرىن باياندايتىن فيلمدى ق ر مادەنيەت جانە سپورت مينيسترلىگى تاپسىرىسى بويىنشا ش. ايمانوۆ اتىنداعى «قازاق فيلم» ا ق «Dar Play» كومپانياسىمەن بىرلەسىپ تۇسىرگەن.
ايتا كەتسەك، فەستيۆالدىڭ العاشقى كەزەڭىندە Silver Screen Award جۇلدەسىنە ۇمىتكەرلەر قاتارىنا بايقاۋعا قاتىساتىن ءار ەلدىڭ بىرنەشە فيلمى ۇسىنىلعان بولاتىن.
بۇل كەزەڭدە قازاقستان اتىنان التى بىردەي كينوتۋىندى - ءۇش تولىق مەتراجدى جانە ءۇش قىسقا مەتراجدى فيلمى تانىستىرىلعان.
«امىرە» كارتيناسىمەن قاتار «قازاق فيلم» كينوستۋدياسى جارىققا شىعارعان ءۇش فيلم كينوفەستيۆالدە باق سىنادى. ناقتىراق ايتقاندا، تولىق مەتراجدى فيلمدەر بايقاۋىندا تولەگەن بايتوكەنوۆتىڭ «ساتاش» فيلمى جانە ەلجاس راقىمبەكوۆتىڭ «ەل فريمان» كارتيناسى، ال قىسقامەتراجدى فيلمدەر بولىمىنە بەرىك جاحانوۆتىڭ «اسان» فيلمى قاتىستى.
«امىرە» فيلمى گولليۆۋد كينوفەستيۆالىندە جۇلدەگە يە بولدى ءبىرىنشى كەزەڭنىڭ جەڭىمپازى، Silver Screen Award جۇلدەسىنىڭ يەگەرى «امىرە» فيلمى ەندى فرانسيا، گەرمانيا، چيلي، جاپونيا مەن شۆەتسيا سىندى باسقا دا 16 مەملەكەتتەن قاتىساتىن فيلمدەرمەن بىرگە فەستيۆالدىڭ باستى جۇلدەسى ءۇشىن باق سىنايدى. بۇل فەستيۆالدە فيلمدى رەجيسسەر دجەفف ۆەسپا تانىستىراتىن بولادى.
جاڭا تالانتتاردى اشاتىن جانە تاۋەلسىز كينونى ناسيحاتتايتىن گولليۆۋدتىك كينوفەستيۆال 1997-جىلدان باستاپ وتكىزىلىپ كەلەدى.
«ۇلكەن وقيعالار الەمدى وزگەرتەتىنىن جانە الەمىمىز وزگەرىستەردى كۇتەتىنىن بىلەمىز. سونىمەن قاتار، گولليۆۋد - الەمدىك مادەنيەتتى جىرلايتىن تاۋەلسىز كينو سۋرەتكەرلەر قاتارى جينالاتىن ءتيىمدى ءارى بەدەلدى ورتا»، - دەيدى Hollywood Film Festival كينوفەستيۆالىنىڭ ۇيىمداستىرۋشىلارى.