الداعى كۇندەرى قازاقستاندا كۇن جىلىنادى

استانا. قازاقپارات - قازگيدرومەت 23-25- قازان كۇندەرىنە قاتىستى اۋا رايى بولجامىن جاريالادى، دەپ حابارلايدى قازاقپارات.

رەسەيدىڭ ەۋروپالىق بولىگىندەگى جىلى اۋا رايىن ۇزاق ۋاقىت بويى ۇستاپ تۇرعان انتيتسيكلون شىعىسقا قاراي ويىسا باستادى. ول الداعى ءۇش كۇندە قازاقستانداعى اۋا رايىنا ىقپال ەتەدى.

سوعان بايلانىستى رەسپۋبليكانىڭ كوپشىلىك وبلىسىندا جىلى ءارى جاۋىن-شاشىنسىز اۋا رايى ورنىعادى. ەلىمىزدىڭ باتىس، وڭتۇستىك جانە وڭتۇستىك-شىعىس اۋداندارىندا اۋا تەمپەراتۋراسى 15-20، كەي جەرلەردە 23-25 گرادۋسقا دەيىن كوتەرىلەدى. ءتىپتى سولتۇستىك، ورتالىق جانە شىعىس اۋدانداردا دا كۇن جىلى بولىپ، سىناپ باعانى 5-15°س اينالاسىندا بولادى.

ايتا كەتەيىك، بۇل كليماتتىق نورمادان 3-8°س جوعارى.