ەڭ قاتال باسشىلاردىڭ ايەلدەرى تۋرالى بىلەسىز بە؟

 استانا. قازاقپارات - الەمگە تانىمال ەل باسشىلارى ساياسات پەن بيلىك تۇرعىسىندا قاتەلىكتەر جىبەرىپ تۇرعانىمەن، ايەل تاڭداۋعا كەلگەندە مۇلدە قاتەلەسپەيتىن كورىنەدى.

كەز كەلگەن پرەزيدەنتتىڭ جانىنان ۇنەمى ادال ءارى سەنىمدى سەرىك بولارلىق ارۋلار تابىلىپ جاتادى. ولار ءتىپتى كوپشىلىككە سۋىق بولىپ كورىنەتىن جۇبايلارىنىڭ وبرازىن جۇمسارتىپ جىبەرۋگە دە قاۋقارلى دەپ جازادى bigpicture.ru سايتىنا سىلتەمە جاساعان NUR. KZ.

اسما ءال-اساد - سيريانىڭ ءبىرىنشى حانىمى

بۇگىندە الەمنىڭ قاھارىنا ءىلىنىپ وتىرعان سيريا پرەزيدەنتىن ەل سىنىنان سۇلۋ ايەلى دە قۇتقارا الماسا كەرەك.

بۇعان دەيىن العان ءبىلىمى مەن ەرەكشە تالعامى ءۇشىن ۇلكەن مارتەبەگە يە بولعان اسمانىڭ جاعدايى بۇگىندە ءماز ەمەس.

كوپشىلىك مەملەكەتتەگى بولىپ جاتقان قاندى وقيعالارعا بيلىكتەگى وتباسىنى كىنالاپ وتىر.

تىم باتىستانىپ كەتكەن مۇسىلمان ايەل لوندوندا ءبىلىم الىپ، سۇيىكتىسىن كەزىكتىرگەن سوڭ عانا 2000-جىلى تاريحي وتانىنا قايتىپ ورالدى.

2011-جىلى ءبىرىنشى حانىمنىڭ كەسىرىنەن ب ا ق- تا ۇلكەن جانجال ورىن الدى. ءوزىن اسىر-سالىپ ماقتاعان ماقالا ءۇشىن ونى جازعان جۋرناليستى جۇمىسىنان شىعارىپ تىنعان.

30 جىل بويى ەڭبەكتەنگەن اقپارات وكىلى ارتىنان ەكىنشى ماقالا جازىپ، اسمانى «توزاقتىڭ ءبىرىنشى حانىمى» دەپ اتاعان.

انا پاۋلا دۋش سانتۋش - انگولانىڭ ءبىرىنشى حانىمى

انا پاۋلا دۋش سانتۋش مودەلدىكپەن قاتار ۇشاقتا ستيۋاردەسسا قىزمەتىن اتقارعان.

ءدال اۋە كەمەسىندەگى جۇمىسىنىڭ ارقاسىندا ول انگولا پرەزيدەنتىمەن تانىسىپ، ارتىنان ونىڭ زاڭدى ايەلى بولدى.

قوس عاشىقتىڭ اراسى - 20 جاس، الايدا ولارعا جاس ايىرماشىلىق مۇلدە كەدەرگى كەلتىرمەيتىن كورىنەدى.

انا پاۋلا دۋش سانتۋش انگولاداعى ءبىلىمدى سىنعا الۋمەن تانىمال. ەڭ قىزىعى، جۇبايى ءدال وسى سالاعا ءمان بەرىپ كەلسە دە، ەلدىڭ سىنىنا قالىپ جۇرەدى.

ءبىلىم بەرۋ ساپاسىنا كوڭىلى تولماعان حانىم بالاسىن شەتەلدە وقىتۋعا بەكىنگەن.

سولتۇستىك كورەيا حانىمى - لي سول چجۋ

الەمدەگى ەڭ قاتال ەل باسشىلارىنىڭ ءبىرى كيم چەن ىن مەملەكەت تاريحىندا ايەلىن حالىق الدىنا الىپ شىققان العاشقى بيلىك يەسى بولىپ تابىلادى.

وعان قوسا، ۇنەمى شالبار كيۋگە مىندەتتەلگەن كورەيالىق قىز-كەلىنشەكتەر زاڭىن ەل باسشىسى جويىپ تاستادى. ونىڭ بۇل شەشىمىنە سۇيىكتىسى اسەر ەتسە كەرەك دەپ ويلايدى كوپشىلىك.

سونىمەن قاتار، لي سول چجۋ كۇيەۋىنىڭ اكەسى مەن اتاسىنىڭ سۋرەتىن توسىنە تاقپايدى ەكەن.

كورەيادا قاتاڭ زاڭدىلىق بولىپ تابىلاتىن جايتتى ەلەمەۋگە مەملەكەتتىڭ ءبىرىنشى حانىمى ءۇشىن جولداسىنان باسقا ەر ادام جوقتىعى سەبەپ بولعان.

رانيا ءال-ابدۋللا - يوردانيا ءبىرىنشى حانىمى

بۇل ارۋدى ەڭ يسلامي مەملەكەتتىڭ ءبىرىنشى حانىمى دەپ ايتۋ قيىن. دىنگە تىم بەرىلىپ كەتكەن ەل پرەزيدەنتىنىڭ ايەلى حالىق اراسىندا ۇلكەن سىي-قۇرمەتكە يە.

ول مۇسىلمان حالىقتارىنىڭ ءبىلىم الۋ ماسەلەسىنە زور ءمان بەرىپ، قايىرىمدىلىق شارالارمەن اينالىسادى.

كامەرۋن حانىمى - شانتال بيا

شانتال بيا ءوز سۇيىكتىسىنەن 20 جاس كىشى. ۇلكەن جاس ايىرماشىلىق بۇل ادامداردىڭ جۇپتاسۋىنا كەدەرگى بولا قويماعان.

باسقا ەلدەردىڭ ءبىرىنشى حانىمدارىنا قاراعاندا، شانتال مەملەكەتتىك ماڭىزى بار ىستەردەن گورى ءوزىنىڭ كۇتىمىنە ەرەكشە ءمان بەرەدى.

ۇنەمى جارقىن وبرازدارىمەن تاڭعالدىراتىن ايەل تەك قانا تانىمال برەندتەردىڭ كيىمىن تاڭدايدى.