ترامپ زىمىراندار تۋرالى كەلىسىمنەن شىعاتىنىن مالىمدەدى
اق ءۇي باسشىسىنىڭ ايتۋىنشا، قۇراما شتاتتاردىڭ مۇنداي شەشىمگە كەلۋىنە رەسەيدىڭ كەلىسىمدى ساقتاماۋى سەبەپ. بۇعان دەيىن اقپارات قۇرالدارى پرەزيدەنت ترامپتىڭ ۇلتتىق قاۋىپسىزدىك جونىندەگى كەڭەسشىسى دۇيسەبى كۇنى بولاتىن ماسكەۋگە ساپارى بارىسىندا وسى شەشىمدى جەتكىزەدى دەپ حابارلاعان.
دونالد ترامپ، ا ق ش پرەزيدەنتى:
- ءبىز كەلىسىمشارتتى ساقتاپ كەلدىك. ال رەسەي ونىڭ تالاپتارىن ورىنداماي وتىر. سوندىقتان ءبىز ودان شىعۋدى ءجون كورىپ وتىرمىز. ماعان دەيىن پرەزيدەنت وباما بۇل كەلىسىمنەن نەگە شىقپاعانىن بىلمەيمىن. ءبىراق ءبىز ەندى ولارعا يادرولىق كەلىسىمدى بۇزۋعا جول بەرمەيمىز.
رەسەي تاراپى ماسەلەگە قاتىستى ءوز ۇستانىمىن ءبىلدىردى. سەناتور الەكسەي پۋشكوۆتىڭ مالىمدەۋىنشە، ەگەر ۆاشينگتون مۇنداي قادامعا باراتىن بولسا، الەمدىك ستراتەگيالىق قاۋىپسىزدىك جۇيەسىنە كەرى اسەرىن تيگىزەدى.
ەسكە سالا كەتەيىك، 2001 - جىلى ا ق ش زىمىرانعا قارسى قورعانىس جۇيەسى تۋرالى كەلىسىمشارتتان شىققان بولاتىن.
www.24.kz