بەيجىڭ وليمپياداسىنىڭ كۇمىس جۇلدەگەرى نۇرباقىت تەڭىزبايەۆ باسقارما باسشىسى بولدى

تالدىقورعان. قازاقپارات - الماتى وبلىسى اكىمىنىڭ بۇيرىعىمەن بەيجىڭ وليمپياداسىنىڭ كۇمىس جۇلدەگەرى نۇرباقىت تەڭىزبايەۆ الماتى وبلىستىق دەنە شىنىقتىرۋ جانە سپورت باسقارماسىنىڭ باسشىسى قىزمەتىنە تاعايىندالدى، دەپ حابارلايدى قازاقپارات ءتىلشىسى.

وبلىس اكىمىنىڭ باسپا ءسوز حاتشىسى عالىمۇرات جۇكەلدىڭ ايتۋىنشا، جاڭا باسقارما باسشىسىن اماندىق باتالوۆ اپپارات جيىنىندا تاعايىنداپ، كوپشىلىك الدىندا تانىستىرعان.

نۇرباقىت مولداحمەت ۇل-ى 1983 -جىل-ى 10 ساۋىردە الماتى وبلىسى، پانفيلوۆ اۋدانى، ءۇشارال اۋىلىندا دۇنيەگە كەلگەن.

گرەك- ريم كۇرەسىنەن بىرنەشە دۇركىن ازيا چەمپيوناتىنىڭ جۇلدەگەرى، 2008 -جىلعى بەيجىڭ وليمپياداسىنىڭ كۇمىس جۇلدەگەرى، 2009 -جىلعى الەم چەمپيوناتىنىڭ قولا جۇلدەگەرى اتانعان كاسىبي سپورتشى. 2014 -جىلدان بەرى الماتى وبلىستىق جوعارعى سپورت شەبەرلىك مەكتەبىنىڭ ديرەكتورى قىزمەتىن اتقارىپ كەلگەن. تالدىقورعان قالاسىنىڭ جانە پانفيلوۆ اۋدانىنىڭ قۇرمەتتى ازاماتى، «قۇرمەت» وردەنىنىڭ يەگەرى.

ال بۇعان دەيىن وبلىستىق دەنە شىنىقتىرۋ جانە سپورت باسقارماسىنىڭ باسشىسى بولعان تۇراتبەك شاراپيەۆ باسقا قىزمەتكە اۋىسىنا بايلانىستى، اتالعان قىزمەتتەن بوساتىلدى.