رەسەيدە «قازاقستاننىڭ بىرەگەي التايى» فيلمى جۇلدە يەلەندى

None
None
 استانا. قازاقپارات - «التاي ءوڭىرى - كۇش- قۋات مەكەنى» تۋريستىك جانە سپورتتىق فيلمدەر فەستيۆالىندە «قازاقستاننىڭ بىرەگەي التايى» كارتيناسى اۋەسقوي فيلمدەر اتالىمىندا جەڭىسكە جەتتى. بۇل تۋرالى قازاقپارات ت ا س س اگەنتتىگىنە سىلتەمە جاساپ حابارلايدى.

فەستيۆال 2013 - جىلدان بەرى رەسەيدىڭ التاي وڭىرىندەگى بييسك اۋدانىنىڭ ستان- بەحتەمير اۋىلىندا وتكىزىلىپ كەلەدى. قازىلار القاسىنا ۇسىنىلعان جۇمىستاردى ينتەرنەتتەن كورۋگە بولادى. بايقاۋ ماقساتى - تابيعات سۇلۋلىعى مەن ەكسترەمالدى سپورتتىڭ ۇيلەسىمدىگى، الەم ەلدەرىندەگى ساياحات تۋرالى اقپارات بەرۋ.

باس جۇلدەنى «التاي. قار بارىسىنىڭ مەكەنى» فيلمى الدى. كارتينا كۇردەلى جاعدايلاردا جابايى تابيعاتتى قورعاۋمەن جانە زەرتتەۋمەن اينالىساتىن ادامدار تۋرالى اڭگىمەلەيدى. اۆتورى - التايلىق رەجيسسەر جانە پروديۋسەر يۆان ۋسانوۆ.

قازىلار القاسىنىڭ ءتوراعاسى، رەسەيدىڭ ەڭبەگى سىڭگەن ساياحاتتانۋشىسى ەۆگەني لەبەديەۆتىڭ ايتۋىنشا، بيىل بايقاۋعا ءارتۇرلى ەلدەردەن 80 جۇمىس كەلىپ تۇسكەن. ولاردىڭ اراسىنان 27 كاسىبي جانە 37 اۋەسقوي لەنتا ىرىكتەپ الىندى.

ەڭ قىزىقتى كاسىبي جۇمىستاردىڭ ءبىرى رەتىندە چەحيا رەجيسسەرى پاۆەل رۋزياكتىڭ «سولتۇستىك» كارتيناسى اتاپ ءوتىلدى. وندا شپيتسبەرگەن ارالىندا شالعايدا ورنالاسقان بارەنتسبۋرگ كەنتىنىڭ ءومىرى سۋرەتتەلەدى. سونداي- اق التاي ارحەولوگتارىنىڭ جۇمىسى تۋرالى باياندايتىن ەليزاۆەتى مانسكوۆانىڭ «تيگيرەك: كونە تاريح نوبايلارى» ەڭبەگى دە بار.

 ال اۋەسقوي كارتينالار اراسىندا حاكاسيا وزەنىنىڭ بوساعا تاستارىن ەڭسەرۋ جايلى تۇسىرىلگەن بارناۋلدىق ۆيتالي بەجكونىڭ «كىشى اباقان»، بييسك اۋدانىنىڭ اۆتورلارى ۇسىنعان 4 مىڭ شاقىرىمدى قايىقپەن ءجۇزىپ وتكەندەر تۋرالى «كاتەرمەن سولتۇستىك شۇعىلا ورىسكە قاراي» لەنتالارى ەرەكشە قابىلداندى.

اۋدارما: ميرا تولەندى قىزى

سوڭعى جاڭالىقتار