ەلباسى تاپسىرماسى: «پەداگوگ مارتەبەسى تۋرالى» زاڭ جوباسى تالقىلانادى

استانا. قازاقپارات - ەلباسى جولداۋىن ورىنداۋ ماقساتىندا ق ر ب ع م «پەداگوگ مارتەبەسى تۋرالى»، وقۋشى جانە مۇعالىم جۇكتەمەسىن ازايتۋ ماسەلەسىنە قاتىستى كەيبىر زاڭنامالىق اكتىلەرگە وزگەرتۋلەر مەن تولىقتىرۋلار ەنگىزۋ تۋرالى ق ر زاڭدارىنىڭ جوبالارىن ازىرلەۋدە.

وسى زاڭ جوبالارىن ازىرلەۋ ماقساتىندا جۇمىس توبى قۇرىلدى، دەپ حابارلايدى قازاقپارات ق ر  ب ع م باسپا ءسوز قىزمەتىنە سىلتەمە جاساپ.

 مينيسترلىك، مەكتەپ، كوللەدج، جوو پەداگوگتارىن، مەملەكەتتىك ورگاندار وكىلدەرىن، اتا- انالاردى ازىرلەنىپ جاتقان زاڭ جوبالارىن تالقىلاۋعا بەلسەندى قاتىسۋعا شاقىرادى. سونداي- اق بارلىق مۇددەلى ازاماتتار مەن زاڭدى تۇلعالار دا وسى جوباعا اتسالىسۋى ءتيىس.

«زاڭ جوبالارى ازىرلەنگەن سوڭ، مينيسترلىك بارلىق ايماقتاردا وسى زاڭ جوبالارىن تالقىلاۋ ماقساتىندا جۇمىس توبى مۇشەلەرىنىڭ پەداگوگيكالىق جانە اتا- انالار قاۋىمداستىقتارىمەن كەزدەسۋلەرىن ۇيىمداستىرۋدى جوسپارلاۋدا»، دەلىنگەن مينيسترلىكتىڭ فەيسبۋكتەگى پاراقشاسىندا.

زاڭ جوبالارىنا قاتىستى ۇسىنىستار بولسا [email protected] ەلەكتروندى پوشتاسىنا جونەلتۋ كەرەك. سونىمەن قاتار، ۇسىنىستار edu.gov.kz, bilimdinews.kz سايتتارىندا «پەداگوگ مارتەبەسى تۋرالى» زاڭدى تالقىلاۋدامىز» بولىمىنە جانە رەسپۋبليكالىق «ءبىلىمدى ەل» گازەتىندە جاريالانادى.