قازاقستاندا الەۋمەتتىك فيتنەس-زالدار پايدا بولادى
بۇل تۋرالى «قازاقپارات» ح ا ا ءتىلشىسى حابارلايدى.
ونىڭ ويىنشا، پرەزيدەنت جولداۋدا مەديتسينالىق قىزمەتكەرلەردىڭ كاسىبيلىگىن ارتتىرۋدى باستى مىندەتتەردىڭ ءبىرى رەتىندە بەلگىلەگەن.
«كوپتەگەن ازاماتتار جەرگىلىكتى دارىگەرلەرگە سەنىم بىلدىرمەي، سول ءۇشىن شەتەلگە ەمدەلۋگە بارادى دەگەندە، جۇرەگىڭ اۋىرادى. ءبىزدىڭ دارىگەرلەرىمىز باتىستاعى ارىپتەستەرىنەن قالىسپاۋى ءتيىس. ولاردىڭ يننوۆاتسيالارى بار، ءبىز دە زامانعا ساي العا باسۋىمىز كەرەك. مەن ءبىزدىڭ دارىگەرلەرىمىزدى كاسىبي دەڭگەيىن ارتتىرۋعا شاقىرامىن. ازاماتتارىمىزدىڭ دەنساۋلىعى سوعان بايلانىستى»، - دەدى ءماجىلىس دەپۋتاتى و. وكسىكبايەۆ.
ول سونداي-اق، ۇلتتى ساۋىقتىرۋ ءۇشىن ەلىمىزدىڭ بارلىق ايماقتارىندا الەۋمەتتىك فيتنەس- زالدار پايدا بولاتىنىن اتاپ ءوتتى.
«پرەزيدەنت ازاماتتارىمىز دەنە شىنىقتىرۋمەن اينالىسۋى ءۇشىن بارلىق جاعداي جاساۋدى تاپسىردى. الداعى ەكى جىلدا 100 دەن استام ساۋىقتىرۋ كەشەنى سالىنادى. سالاۋاتتى ءومىر سالتىنا كەشەندى تۇردە ءجۇرۋىمىز كەرەك. دەنساۋلىق ساقتاۋعا شىعىندى ءوسىرىپ قانا قويماي، سونىمەن بىرگە، ونىڭ الدىن الۋىمىز دا قاجەت»، - دەپ اتاپ ءوتتى ول.