دانيار ەلەۋسىنوۆ الدا قالاي جۇمىس ىستەيتىندىگى تۋرالى ايتتى
«مەن اۋەسقوي بوكستا الىس قاشىقتىقتا ءجۇرىپ جۇمىس جاسادىم. ال كاسىبي بوكستا دجون دەۆيد دجەكسون مەنى جاقىن جانە ورتا ارا قاشىقتىقتا بوكستاسۋعا ۇيرەتىپ جاتىر. قانداي جاعداي بولماسىن ماعان جۇمىس جاساپ، ۇلكەن جەكپە-جەكتەردە ءوزىمنىڭ مۇمكىندىگىمدى كورسەتۋىم كەرەك»، - دەدى ەلەۋسىنوۆ.
ەسكە سالا كەتەيىك، بۇگىن 27 جاستاعى قازاقستاندىق بوستون قالاسىنداعى TD Garden ارەناسىندا وتكەن بوكس كەشى اياسىندا امەريكالىق مەتت دوەرتيگە (8-5-1، 4 ك و) قارسى بوكستاسىپ، جەڭىسكە جەتتى.
Matchroom Boxing پروموۋتەرلىك كومپانياسى ونىڭ كاسىبي بوكستاعى بەسىنشى جەكپە-جەگىنىڭ قاشان جانە قايدا وتەتىنىن دە جاريالاعان بولاتىن. ونىڭ قارسىلاسى ازىرگە بەلگىسىز. دانيار ەلەۋسىنوۆ بيىلعى 4- تامىزدا وتكەن جەكپە-جەكتە ۆەنگريالىق گابور گوربيچتى (26-13، 16 ك و) ۇپاي سانىمەن جەڭگەن بولاتىن. بۇدان كەيىن قازاقستاندىق بوكسشىنىڭ BoxRec.com تانىمال سايتىنداعى رەيتينگى بىردەن 75 ساتىعا جوعارىلادى.