ازيا چەمپيوناتى: قازاقستاندىق سەمسەرلەسۋشىلەر تاعى ەكى «التىن» الدى

استانا. قازاقپارات - فيليپپيننىڭ مانيلا قالاسىندا ءوتىپ جاتقان سەمسەرلەسۋدەن 23 جاسقا دەيىنگى جاستار اراسىنداعى ازيا چەمپيوناتىندا قازاقستان قورجىنى تاعى ەكى «التىنمەن» تولىقتى، دەپ حابارلايدى قازاقپارات ءتىلشىسى.

ق ر ۇلتتىق وليمپيادالىق كوميتەتىنىڭ باسپا ءسوز قىزمەتىنەن ءمالىم ەتكەندەي، الدىمەن سابليادان قازاقستان ايەلدەر كومانداسى فينالدا وڭتۇستىك كورەيا سپورتشىلارىن 45:32 ەسەبىمەن جەڭىپ، چەمپيون اتاندى.

قازاقستان نامىسىن ايبيكە حابيبۋللينا، ايگەرىم سارىباي، اناستاسيا گۋليك جانە كارينا دوسپاي قورعاعان بولاتىن.

حابيبۋللينا سابليادان جەكەلەي سىندا چەمپيون اتانىپ، ايگەرىم سارىبايدىڭ كۇمىس جۇلدەگەر اتانعانىن دا ەستەرىڭىزگە سالامىز.

اۆتور: كۇنسۇلتان وتارباي