11:16, 21 - قازان 2018 | GMT +6
اۋعانستاندا سايلاۋ ۋچاسكەسىندە جارىلىس بولدى
كابۋل. قازاقپارات - اۋعانستان استاناسى كابۋلدا جارىلىس سالدارىنان 15 ادام قازا بولدى. جارىلعىش زات حاير حانە اۋدانىنداعى سايلاۋ ۋچاسكەلەرىنىڭ بىرىندە ىسكە قوسىلعان، دەپ حابارلايدى قازاقپارات انادولى اگەنتتىگىنە سىلتەمە جاساپ.
اۋعانستان ىشكى ىستەر مينيسترلىگىنىڭ وكىلى ناسرات ءراحيميدىڭ ايتۋىنشا، جارىلىستى جانكەشتى لاڭكەس جاساعان. سالدارىنان 15 ادام مەرت بولىپ، كەم دەگەندە 60 ى جاراقاتتاندى.
جارىلىس ءۇشىن جاۋاپكەرشىلىكتى ۇيىمداردىڭ ەشبىرى ازىرگە ءوز موينىنا العان جوق.
ايتا كەتەيىك، بۇگىن اۋعانستاندا پارلامەنتتىك سايلاۋ ءوتىپ جاتىر.