گولوۆكين، ءۇشىنشى جەكپە-جەككە دايىن بولعان كەزدە كەلەرسىڭ - دە لا حويا

None
None
استانا. قازاقپارات - Golden Boy Promotions  GBP پروموۋتەرلىك كومپانياسىنىڭ باسشىسى وسكار دە لا حويا بۇرىنعى الەم چەمپيونى، قازاقستاندىق گەننادي گولوۆكينگە (38-1-1، 34 ك و) بۇدان بىلاي قارجىلىق جاعىنان جەڭىلدىك جاسالمايتىنىن انىق ۇقتىرىپ وتىر.

ەگەر ول GBP جۇلدىزى، WBC، WBA Super مەكسيكالىق چەمپيونى ساۋل الۆارەسپەن (50-1-2، 34 ك و) ءۇشىنشى جەكپە-جەككە كەلىسسە، تەك وزىنە ۇسىنىلعان تالاپتار بويىنشا عانا جۇدىرىقتاساتىن بولادى، دەپ حابارلايدى Sports.kz.

ەسكە سالا كەتەيىك، الۆارەسپەن ريەۆانش كەزىندە گولوۆكين جۇلدە قورىنىڭ 45 پايىزىن ءوز قالتاسىنا سالعان بولاتىن. ول جەكپە-جەك 2018-جىلدىڭ قىركۇيەك ايىندا ءوتتى جانە مەكسيكالىق بوكسشىنىڭ جەڭىسىمەن اياقتالعان.

قوس تاراپ تا ءۇشىنشى ايقاستىڭ بولعانىن قالايتىن سىڭايلى، ال 2017-جىلى وتكەن ءبىرىنشى جەكپە-جەكتە ەكەۋى تەڭ تۇسكەن ەدى. «GBP پرەزيدەنتى ەريك گومەس گولوۆكيننىڭ پروموۋتەرى توم لەففلەرمەن ۇنەمى بايلانىستا، - دەدى دە لا حويا FightHub بەرگەن سۇحباتىندا.

- ازىرگە الۆارەس سالماق بويىنشا جوعارى كوتەرىلىپ، 76,2 كەلى سالماقتا تيتۋلدى جەڭىپ الۋعا تىرىسادى (ول 15- جەلتوقساندا نيۋ-يوركتە روككي فيلدينگپەن بوكستاسادى). ءسويتىپ گولوۆكين ىستەمەگەن نارسەنى ىستەيدى. ەگەر الۆارەس جەڭسە، ورتا سالماققا قايتا ورالادى جانە ۇزدىكتەردىڭ ۇزدىگىمەن قايتا كەزدەسەدى». «ەگەر ءۇشىنشى ايقاس گولوۆكيندى شىنىمەن دە قىزىقتىرسا، مەن ونىڭ بۇگىنگى نارىققا ساي قۇنىن، ياعني سۇرايتىن گونورارىن شامالاپ وتىرمىن. ەگەر ول ءبىز ۇسىنعان سوما ءۇشىن ايقاسۋعا كەلىسپەسە، وندا قالاعان ادامىمەن جۇدىرىقتاسا بەرسىن. قازىر مەن ول سومانى ايتۋعا دايىن ەمەسپىن، ءبىراق ءوزىڭىز قاراڭىزشى - الۆارەس بۇگىندە ومىرىنە ءدان ريزا. ازىرگە گولوۆكين باسقا جولداردى قاراستىرىپ جاتىر. مەن وعان بىلاي دەر ەدىم - «گولوۆكين، دايىن بولعان كەزدە، كەل دە، جاي عانا ەسىگىمدى قاق»، - دەپ مالىمدەدى دە لا حويا.

سوڭعى جاڭالىقتار