شەنەۋنىكتەردىڭ قىمبات كولىكتەرى مەن اسەم كابينەتتەرى وتكەندە قالاتىن ۋاقىت جاقىن - توقايەۆ

None
None
قاراعاندى. قازاقپارات - 19- قازاندا پارالامەنت سەناتىنىڭ ءتوراعاسى قاسىم-جومارت توقايەۆ جۇمىس ساپارىمەن قاراعاندىعا كەلدى.

ساپاردىڭ ماقساتى - پرەزيدەنت جولداۋىن ءتۇسىندىرۋ. بۇل تۋرالى قازاقپارات اكىمدىكتىڭ سايتىنا سىلتەمە جاساپ حابارلايدى.

قاراعاندى وبلىسى اكتيۆىنىڭ الدىندا ءسوز سويلەۋ بارىسىندا قاسىم-جومارت توقايەۆ حالىقتىڭ اۋقاتتىلىعى - بارلىق مەملەكەتتىك ورگاندار مەن كومپانيالاردىڭ جۇمىسىنداعى باسىم باعىت ەكەنىن اتاپ ءوتتى.

«ساپالى جاقسى كورسەتكىشتەرگە قول جەتكىزۋ ءۇشىن ءبىز بارلىعىمىز كوپ ەڭبەك ەتۋىمىز قاجەت. ناقتى ايتساق، بيىكتە وتىرىپ، جەتىستىكتەرىمىزگە قاناعاتتانىپ، قول قۋسىرىپ وتىرماۋىمىز ءتيىس»، - دەدى ول.

سەنات ءتوراعاسى بيلىك وكىلدەرى ءبىرىنشى كەزەكتە الەۋمەتتىك ماڭىزدى جوبالاردى جىلدام جانە ناتيجەلى جۇزەگە اسىرۋ ءۇشىن ۇنەمدىلىك جۇرگىزۋ كەرەكتىگىن اتاپ ايتتى.

«ءبىز وسىعان دەيىن، ايتا كەتۋ كەرەك، اياقتى كەڭگە سالدىق. ەندى ومىرگە دەگەن جاڭا كوزقاراستاردى كورسەتىپ وتىرعان شىنايىلىلىققا ۇيرەنۋىمىز قاجەت. جوعارى لاۋازىمدى شەنەۋنىكتەردىڭ قىمبات كولىكتەر مەن كەرەمەت اسەم كابينەتتەرى وتكەندە قالاتىن ۋاقىت جاقىندادى، جاي اناحرونيزم بولىپ قالادى دەپ ويلايمىن»، - دەدى ول.

قاسىم-جومارت توقايەۆ ەلىمىزدە شاعىن جانە ورتا بيزنەستىڭ ءوسۋىن ىنتالاندىرۋ كەرەكتىگىن ناقىت توقتالا كەتتى. ونىڭ ايتۋىنشا، 3 ميلليون 200 مىڭ قازاقستاندىقتار كاسىپكەرلىكپەن اينالىسۋدا.

قازىر بيلىكتىڭ باستى مىندەتى - بيزنەسمەندەر ءۇشىن قولايلى كليمات جاساۋ، سونداي-اق ولاردى اكىمشىلىك قىسىمنان بوساتۋ بولىپ تابىلادى. سونداي-اق، قاسىم-جومارت توقايەۆ ەكولوگيا ماسەلەلەرىنە دە توقتالا كەتتى. «ءار ايماق ەكولوگيالىق پروبلەمالاردى شەشۋ بويىنشا بەلسەندى شارالار قولدانۋلارى ءتيىس. قاراعاندى وبلىسى ءۇشىن بۇل ماسەلە وتە وزەكتى، سەبەبى مۇندا ءىرى كاسىپورىندار بار. كەلەسى جىلى ەكولوگيالىق زاڭنامانى بۇزعانى ءۇشىن سالىناتىن اكىمشىلىك سانكتسيالاردىڭ مولشەرىن ۇلعايتۋ، ەكولوگيالىق تەكسەرىستەر جۇرگىزۋدىڭ مەحانيزمدەرىن جەتىلدىرۋ جوسپارلانۋدا، اناعۇرلىم وزەكتى ينفراقۇرىلىمدىق جوبالاردىڭ ءتىزىمى جاسالادى جانە قارجىلاندىرۋ كوزدەرى قايتا قاراستىرىلادى»، - دەدى ول.

سەنات ءتوراعاسىنىڭ سوزىندە بولەك پۋنكت تۋريزمدى دامىتۋعا قاتىستى بولدى. ول وسىعان دەيىن اتالمىش باعىتتا جۇمىستار ايتارلىقتاي ناتيجەلى بولماعانىن ايتتى - قازىرگى تاڭدا ج ءى ءو- دە تۋريزم ۇلەسى نەبارى %1,3 قۇرايدى. ول ەلىمىزدە ءبىرىنشى كەزەكتە ينفراقۇرىلىمدى دامىتۋ كەرەكتىگىن اتاپ ايتتى.

سەنات ءتوراعاسىنىڭ ايتۋىنشا، جاقىن ۋاقىتتا قازاقستاندىق ج و و- دا تۋريستىك سالاعا بايلانىستى ماماندىقتار پايدا بولادى. كەزدەسۋ سوڭىندا سەنات ءتوراعاسى ايماعىمىزدىڭ الەۋمەتتىك- ەكونوميكالىق دامۋىنا ۇلەس قوسقاندارى ءۇشىن وبلىستىق ءماسليحات دەپۋتاتتارى نۇرعازى جارىلعاپوۆقا جانە تورەقوجا تىلەمىسوۆكە، اباي اۋداندىق ءماسليحاتىنىڭ حاتشىسى بوريس تسايعا، 1№ «قاراعاندى مەملەكەتتىك مەديتسينالىق ۋنيۆەرسيتەتى» ر م م حيرۋرگيالىق اۋرۋلار كافەدراسىنىڭ مەڭگەرۋشىسى قايرات شاكەيەۆكە جانە «38№ گيمنازيا» ك م م قازاق ءتىلى جانە ادەبيەتى ءپانىنىڭ مۇعالىمى ەرمەك كەلماعامبەتوۆاعا قۇرمەت گراموتالارىن تابىس ەتتى.

سوڭعى جاڭالىقتار