ەلىمىزدە العاشقى مەديتسينالىق كومەك كورسەتۋدىڭ جاڭا تەتىكتەرى قاراستىرىلماق

None
None
استانا. قازاقپارات - قازاقستاندا العاشقى مەديتسينالىق كومەك كورسەتۋدىڭ جاڭا مەحانيزمدەرىن قاراستىراتىن «استانالىق دەكلاراتسيا» قابىلدانۋى مۇمكىن، دەپ حابارلايدى حابار 24.

بۇل تۋرالى پرەمەر-ءمينيستردىڭ ورىنباسارى ەربولات دوسايەۆ الماتى قالاسى اكتيۆىمەن بولعان كەزدەسۋدە ءمالىم ەتتى.

قۇجات 2019- جىلدىڭ 1- قاڭتارىنان باستاپ ىسكە قوسىلماق. الداعى 3 جىلدا جولداۋدى جۇزەگە اسىرۋعا 1 تريلليون 750 ميلليارد تەڭگەدەن استام قارجى جۇمسالادى. ەلباسى كەلەر جىلدان باستاپ ەڭ تومەنگى جالاقىنى 42500 تەڭگەگە ۇلعايتۋدى تاپسىردى. ونى جۇزەگە اسىرۋ ءۇشىن جىل سايىن 86 ميلليارد تەڭگە جانە جەرگىلىكتى بيۋجەتتەرگە وتەماقى تولەۋگە 10 جارىم ميلليارد تەڭگە بولىنەتىن بولادى.

بۇل پارلامەنت قاراۋىنا ۇسىنىلعان 2019-2020-جىلدارعا ارنالعان رەسپۋبليكالىق بيۋجەت تۋرالى زاڭ جوباسىندا قاراستىرىلعان. سونىمەن قاتار، جولداۋدا تۇرعىن ءۇي ماسەلەسى، تۇراقتى جۇمىسپەن قامتۋ، قاۋىپسىزدىك، جەمقورلىق پەن كولەڭكەلى بيزنەسكە قارسى كۇرەس، وتاندىق وندىرۋشىلەرگە قولداۋ سىڭدى ماسەلەلەر قامتىلعان.

«پرەزيدەنت 2019-جىلدى جاستار جىلى دەپ جاريالادى. الماتى قالاسىنىڭ جاستارمەن جۇمىس ىستەۋدە وڭ تاجىريبەسى بار. سىزدەردىڭ قالالارىڭىزدا حالىقتىڭ 45 پايىزى - جاستار. وتكەن جىلدان باستاپ قالادا 2020-جىلعا دەيىن جاستاردى قولداۋدىڭ «جول كارتاسى» ىسكە اسىرىلۋدا. جىل باسىنان بەرى 7,5 مىڭ ادام نەمەسە ءوتىنىش بەرگەندەردىڭ 65 پايىزى جۇمىسقا ورنالاستى. ونىڭ ىشىندە تۇراقتى ورىندارعا 5,5 مىڭ ادام شىقتى»، - دەدى ق ر پرەمەر-ءمينيسترىنىڭ ورىنباسارى ەربولات دوسايەۆ.

سوڭعى جاڭالىقتار