جولداۋ مىندەتتەرى: ءومىردىڭ ۇزارۋىنا مەديتسينالىق قىزمەت ساپاسى ىقپالىن تيگىزەدى - سەناتور

None
None
كوكشەتاۋ. قازاقپارات - ق ر پرەزيدەنتى نۇرسۇلتان نازاربايەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىنداعى مىندەتتەردى حالىققا ءتۇسىندىرۋ ماقساتىندا اقمولا وبلىسىنا جۇمىس ساپارىمەن كەلگەن قازاقستان رەسپۋبليكاسى پارلامەنتى سەناتىنىڭ دەپۋتاتى داۋرەن ادىلبەكوۆ كوكشەتاۋ قالالىق ەمحاناسىنىڭ ۇجىمىمەن كەزدەستى، دەپ حابارلايدى قازاقپارات ءتىلشىسى وبلىستىق ىشكى ساياسات باسقارماسىنا سىلتەمە جاساپ.

كەزدەسۋدە سەناتور جولداۋدا بەلگىلەنگەن مىندەتتەر مەن ەلىمىزدىڭ دامۋ باعدارى جايىندا جان-جاقتى ايتىپ بەردى.

قازىرگى كۇنى قازاقستاندىقتاردىڭ سانى 18 ميلليوننان اسىپ، ءومىر ءسۇرۋ ۇزاقتىعى 72,5 جاسقا جەتكەن.

«ادامداردىڭ ءومىر ءسۇرۋ جاسىنىڭ ۇزارۋىنا مەديتسينالىق قىزمەت ساپاسىنىڭ ارتۋى يگى ىقپالىن تيگىزىپ وتىرعانى انىق»، دەيدى سەناتور داۋرەن ادىلبەكوۆ.

جولداۋدا دەنساۋلىق ساقتاۋ سالاسىن دامىتۋعا جەتە كوڭىل ءبولىنىپ وتىر. الداعى ۋاقىتتا ءبىلىم جانە دەنساۋلىق ساقتاۋ سالالارىنا بولىنەتىن قارجى جالپى ىشكى ءونىمنىڭ 10 پايىزىن قۇرايتىن بولادى. مۇنىڭ ءوزى دەنساۋلىق ساقتاۋ سالاسىن زامان تالابىنا ساي قايتا قۇرۋعا وڭ اسەرىن تيگىزبەك.

سونىمەن بىرگە، جولداۋدا جاڭا جىلدان باستاپ ەڭ تومەنگى جالاقى كولەمى 1,5 ەسەگە وسپەك. وسىعان وراي، مەديتسينا قىزمەتكەرلەرىنىڭ دە ەڭبەكاقى كولەمى وسەتىن بولادى.

سەناتور جولداۋدا قامتىلعان مىندەتتەردى ورىنداۋعا بارشا قازاقستاندىقتار بەلسەنە اتسالىسۋى قاجەتتىگىن ايتا كەلە، ەلىمىزدىڭ دامۋىنا ەلەۋلى اسەر ەتەتىن بۇل مىندەتتەردى جۇزەگە اسىرۋ بولاشاقتاعى الەمنىڭ وزىق 30 ەلىنىڭ ساناتىنا قوسىلۋ جونىندەگى پەرسپەكتيۆالىق ماقساتقا قول جەتكىزۋگە يگى ىقپالىن تيگىزەتىندىگىن اتاپ ءوتتى.

 

سوڭعى جاڭالىقتار