قازگيدرومەت: بۇگىن ەلىمىزدىڭ باسىم بولىگىندە اۋا رايى قۇبىلمالى

None
None
استانا. قازاقپارات - قازاقستاندا قازاننىڭ 20 سى كۇنى اۋا رايى بۇرىنعىسىنشا قۇبىلمالى بولادى.

جاۋىن جاۋىپ، تەك ەلدىڭ باتىسىندا جانە وڭتۇستىگىندە عانا كۇن اشىق. كەي جەرلەردە جەل كۇشەيىپ، تۇمان ءتۇسىپ، كوكتايعاق بولىپ، ءتىپتى بوران دا سوعادى. بۇل تۋرالى قازاقپارات «قازگيدرومەت» ر م ك- نا سىلتەمە جاساي وتىرىپ حابارلايدى.

«قازگيدرومەت» مالىمەتتەرىنە قاراعاندا، سولتۇستىك قازاقستان، قاراعاندى، شىعىس قازاقستان وبلىستارىنىڭ كەي جەرلەرىنە تۇمان ءتۇسىپ، كوكتايعاق بولىپ، جەلدىڭ جىلدامدىعى سەكۋندىنا 15-20 مەترگە جەتەدى. شىعىس قازاقستان وبلىسىندا بوران سوعادى.

اقمولا وبلىسىنىڭ ءبىرقاتار اۋماقتارىندا تۇمان ءتۇسىپ، تۇندە بوران سوعادى، كوكتايعاق بولىپ، كۇندىز جەلدىڭ جىلدامدىعى سەكۋندىنا 15-20 مەترگە جەتەدى.

الماتى وبلىسىنىڭ كەي جەرلەرىندە تۇمان ءتۇسىپ، جەلدىڭ جىلدامدىعى 15-20 م/س- قا جەتەدى. قوستاناي وبلىسىنىڭ باسىم بولىگىندە جەل سەكۋندىنا 15-20 مەتر جىلدامدىقپەن ۇيتقيدى. كەي جەرلەرگە تۇمان تۇسەدى.

قىزىلوردا، اتىراۋ، باتىس قازاقستان، تۇندە پاۆلودار وبلىستارىنىڭ ءبىرقاتار اۋماقتارىندا تۇمان تۇسەدى.

جامبىل وبلىسىندا تۇندە جانە تاڭ اتا كەي جەرلەردە جەل سەكۋندىنا 15-20 مەتر جىلدامدىقپەن ەسەدى، ەكپىنى 23 مەترگە جەتەدى.

جامبىل وبلىسىندا تۇندە قازاننىڭ 20-21- كۇندەرى ءبىرقاتار اۋماقتاردا 1-3 گرادۋس ارالىعىندا ۇسىك جۇرەدى.

سوڭعى جاڭالىقتار