اتىراۋ وبلىسىندا ءبىلىم بەرۋ سالاسى قاتاڭ باقىلاۋعا الىندى

None
None
اتىراۋ. قازاقپارات - وبلىستا اتالعان سالا بويىنشا تەكسەرۋ جۇمىستارى جۇرگىزىلىپ، ءبىرقاتار زاڭ بۇزۋشىلىقتار انىقتالدى، دەپ حابارلايدى قازاقپارات ءتىلشىسى وڭىرلىك كوممۋنيكاتسيالار قىزمەتىنە سىلتەمە جاساپ.

شارا بويىنشا زاڭ بۇزۋشىلىقتى جويۋ تۋرالى ۇسىنىمعا سايكەس اتا-اناسىنىڭ قامقورلىعىنسىز قالعان جانە مۇگەدەك بالالارعا شاكىرتاقى تاعايىنداۋ جانە تولەۋ تارتىبىنە بايلانىستى زاڭ بۇزۋشىلىق جويىلىپ، شاكىرتاقى تولەندى.

وبلىس بويىنشا تەحنيكالىق- كاسىپتىك وقۋ ورىندارىندا جالعان ديپلوممەن جۇمىس جاساپ جۇرگەن 6 مۇعالىمنىڭ ديپلومدارىنا بايلانىستى تەرگەۋ-تەكسەرۋ جۇمىستارى جۇرگىزىلۋدە.

اتىراۋ سەرۆيس جانە ق. دۇتبايەۆا اتىنداعى گۋمانيتارلىق كوللەدجدەرى بويىنشا بالا سانىنىڭ كابينەت سىيىمدىلىعىنا سايكەس كەلمەۋىنە بايلانىستى اتىراۋ يندۋستريالدى كوللەدجىمەن، اتىراۋ ەنەرگەتيكا جانە قۇرىلىس كوللەدجىمەن كابينەتتەردى ۋاقىتشا وتەۋسىز پايدالانۋعا كەلىسىمشارت جاسالدى.

بۇگىنگى تاڭدا كوللەدجدەردىڭ ليتسەنزيا تالاپتارىنىڭ سايكەسسىزدىگىنە بايلانىستى اتىراۋ سەرۆيس كوللەدجىنىڭ ينتەرنەتكە قوسىلماعان ينفورماتيكا كابينەتتەرى ينتەرنەتكە قوسىلدى. اتىراۋ سەرۆيس جانە ق. دۇتبايەۆا اتىنداعى گۋمانيتارلىق كوللەدجدەردىڭ فيزيكا، حيميا كابينەتتەرى، وقۋ، زەرتحانالىق جابدىقتالۋى تولىقتىرىلدى.

«تەكسەرۋ بارىسىندا انىقتالعان كەمشىلىكتەرگە جول بەرگەن 8 كوللەدج ديرەكتورلارىنان تۇسىنىكتەمەلەر الىنىپ، بارلىق زاڭ بۇزۋشىلىقتار بويىنشا تارتىپتىك شارا قولدانىلدى»، - دەيدى وبلىستىق ءبىلىم بەرۋ باسقارماسىنىڭ باسشىسى قايىرعالي كەنجەعاليەۆ.

سوڭعى جاڭالىقتار