بالىقتىڭ ءبىز بىلمەيتىن پايداسى مەن زيانى

None
None
 استانا. قازاقپارات - بالىقتى ەجەلدەن ادام اعزاسىن تازالايتىن، سۇيەك پەن ءتىستى قاتايتاتىن، ءتۇرلى دارۋمەن بەرەتىن تاعام رەتىندە پايدالانىپ كەلەمىز. اسىرەسە، ونىڭ تەز قورىتىلاتىنى مەن ديەتا كەزىندە تاپتىرمايتىن تاعام بولعاندىعى ءۇشىن دە جوعارى باعالايمىز.

بالىق ەتىنىڭ پايداسى بالىق ەتى قۇرامىندا وتە كوپ دارۋمەن مەن ميكروەلەمەنتتەر كەزدەسەتىنى سەبەپتى ونىڭ بيولوگيالىق باعاسى ءىرى قارا مال مەن قوي ەتىنەن جوعارى. مىسالى، بالىق ەتىنىڭ 100 گراممىندا ادام دەنساۋلىعى ءۇشىن وتە قاجەت بولعان ءبىر كۇندىك -  0,2 ميلليگرامم يود بار. ونىڭ قۇرامىندا اقۋىز، ءتۇرلى دارۋمەندەر، مينەرالدار، تەمىر، يود، ماگني، فوسفور بار جانە بالىق ەتىن جەگەن ادام سەمىرىپ كەتپەيدى. بۇعان قوسا، بالىق ەتى قۇرامىندا ادامعا اسا قاجەت ومەگا-3 ماي قىشقىلدارى بار. بۇدان وزگە، بالىق جۇرەك اۋرۋرالارىنىڭ الدىن الادى، كورۋ قابىلەتىڭىزدى ارتتىرادى، ۇيقىنى رەتتەيدى، ريەۆماتويدتىق ءارتريتتىڭ (بۋىن اۋرۋلارى) الدىن الادى، اعزانىڭ قالىپتى جۇمىس ىستەۋىنە سەبەپكەر، حولەستەريندى رەتتەيدى، زات الماسۋىن جىلدامداتادى، قان قىسىمىن تۇسىرەدى، باۋىر جانە جۇيكە جۇيەسىن جاقسارتادى.

 بالىقتان جاسالعان تاعام تۇرلەرىن بالالارىڭىزعا اپتاسىنا 2 رەت دايىنداپ بەرسەڭىز، ولاردى شاش ءتۇسۋى، مەشەل اۋرۋى، تىرىسقاق، ءتىس اۋرۋلارىنان قورعايسىز. ادەتتە ءبىز بالىقتى قۋىرىپ جەگەندى جاقسى كورەمىز. ءبىراق مامانداردىڭ پىكىرىنشە، بالىقتى قۋىرىپ جەگەننەن گورى، ونى ءتۇرلى دامدەۋىشتەر قوسىپ سورپا نەمەسە ىستىق پەشتە بۋلاپ پىسىرگەن دۇرىس ەكەن. بالىقتى ساتىپ العاندا ەسكەرەتىن جايتتار بالىقتى ساتىپ الىپ جاتقان كەزدە ونىڭ سىرت كورىنىسىنە ءمان بەرىڭىز. ونى تاڭداعان كەزدە ساۋساعىڭىزبەن باسىپ كورىڭىز. ەگەر ساۋساعىڭىز تيگەن جەر تەز ارادا ءوز قالپىنا قايتىپ كەلسە، وندا بۇل بالىق جاڭا اۋلانعان. جانە يسىنە دە ءمان بەرىڭىز. وتكىر ءيىستى، ەتى سارى نەمەسە جاسىل بولسا، مۇنداي بالىققا جولاماڭىز. جالپى، بالىقتى توڭازىتقىشتا 3 كۇن، مۇزداتقىشتا بىرنەشە اي ساقتاۋعا بولادى.



بالىق مايىنىڭ پايداسى بالىق مايىنداعى D ءۆيتامينى اعزاداعى كالتسي مەن فوسفوردىڭ دامۋىن بەلسەندىرەدى. D دارۋمەنى بولماسا، كالتسييگە باي ونىمدەر دە پايداسىز. اسىرەسە قىستا. سەبەبى D دارۋمەنى كۇن ساۋلەسىنىڭ اسەرىمەن سينتەزدەلەدى. سونىمەن قاتار، D ءۆيتامينى جۇيكە جۇيەسىن تۇراقتاندىرادى. بالىق مايىنداعى رەتينول ىرىڭدەگەن جارانى تەز جازادى. شاش پەن تىرناعىڭىزدىڭ ءوز قالپىنا تەز قايتقانىن قالاساڭىز كۇنىنە ءبىر رەت جاتار الدىندا بالىق مايىن تىرناعىڭىز بەن شاشىڭىزعا جاعىڭىز. بالىق مايى سونىمەن بىرگە ادامدى سەمىرتپەيدى جانە تەرىنى جاسارتىرادى. جاقىندا عالىمدار بالىق مايىنىڭ ارتىق ساماقتان ارىلتاتىنىن انىقتادى. بۇل ونىڭ باعاسىن تاعى دا ارتتىردى.

ەگەر ارتىق سالماقتان قۇتىلعىڭىز كەلسە، 2-3-اي بويى جاتار الدىندا 1 اس قاسىق نەمەس ءدارىحانالاردا ساتىلاتىن 1 كاپسۋلا بالىق مايىن ءىشىپ جاتىڭىز. كۇزگى- قىسقى ماۋسىمدا مەكتەپ جاسىنداعى بالالارعا كۇنىنە 1 اس قاسىق، مەكتەپكە دەيىنگى جاستاعى سابيلەرگە 1 شاي قاسىقپەن بالىق مايىن ىشكىزۋ كەرەك. بالىق مايى سونىمەن قاتار ىڭعايلى كاپسۋلا تۇرىندە دە بار. شىنى ىدىستاعى مەن كاپسۋلانىڭ قۇرامى بىردەي. بالىق مايىن 4 اپتا ءۇزىلىسسىز ءىشىپ، سودان سوڭ 2 اپتا ءۇزىلىس جاساۋ كەرەك. سەبەبى بالىق مايى ادام اعزاسىنا پايدالى دارۋمەندەر مەن قاتار زياندى ەلەمەنتتەردى دە جيناۋى مۇمكىن. 1 ايدان سوڭ مىندەتتى تۇردە 2 اپتا اعزانى دەمالتىرۋ كەرەك. ءسىز وسىلاي ونى قىركۇيەكتەن باستاپ مامىرعا دەيىن ىشۋىڭىزگە بولادى.



 بالىقتى تومەندەگىدەي اۋرۋلارى بار ادامدار جەمەگەنى دۇرىس اللەرگيالىق اۋرۋلارى بار ادامدار، قانىندا كالتسي كوپ، وكپە اۋرۋلارى مەن بۇيرەك اۋرۋلارى بار ادامدارعا بالىقتى ءجيى جەۋ قاجەت ەمەس. بالىقتىڭ باسى مەن كوزىن جەۋ دۇرىس پا؟ كوپتەگەن ادامدار بالىقتىڭ باسىن جەۋگە قۇشتار. ال، كەيبىرى بالىق باسىن جەمەگەن دۇرىس دەپ ەسەپتەيدى. بالىق باسىندا دا ونىڭ دەنەسىندەگىدەي پايدالى دارۋمەندەر وتە كوپ. ءبىراق بالىق باسىن جەۋدەن بۇرىن مىنانى ەستە ساقتاڭىز. بالىقپەن بىرگە ادامعا جۇعاتىن قۇرتتاردىڭ كوبى بالىق باسىنا جينالادى. سوندىقتان ونى قۋىرۋدان بۇرىن تۇزدى سۋدا ابدەن ءجىبىتىپ، 1 ساعات سۋدا قايناتىپ، سوسىن بارىپ قۋىرعانىڭىز ابزال. سونىمەن بىرگە ەستە ساقتايتىن ءبىر جايت كونسەرۆىلەنگەن جانە تۇزدالعان بالىق ادام اعزاسىنا اسا پايدالى دارۋمەندەردى بەرە المايدى. 

Massaget.kz

سوڭعى جاڭالىقتار