نەلىكتەن كەي ادامدار قۇشاقتاسقاندى ۇناتپايدى؟

None
None
 استانا. قازاقپارات - قۇشاقتاسقاندى ۇناتپايتىن ادامدارعا ءار كەزدەسۋ قيىن كورىنەدى. سەبەبى، كەزدەيسوق كورىپ قالعان تانىس ادامىڭىز كەنەتتەن قۇشاقتاپ الۋى ابدەن مۇمكىن. سىزگە بۇل پروبلەما تانىس بولسا، قۇشاقتاسقاندى ۇناتپايتىن ادامدار تۋرالى عالىمداردىڭ ويىنا نازار سالىڭىز.

 قۇشاقتاسۋعا ادامدار نەلىكتەن ءارتۇرلى قارايدى؟ ساراپاشىلاردىڭ ويىنشا، كوپ نارسە تاربيەگە بايلانىستى بولىپ كەلەدى. زەرتتەۋلەر بويىنشا، بالالىق شاعىندا ونى اتا- اناسى نەمەسە تۋىستارى ءجيى قۇشاقتاعان ادامدار وسكەندە دە قۇشاقتاعاندى ۇناتادى. ەگەر اتا- اناسى كوپ جاقىنداماي، سيرەك قۇشاقتاعان بولسا، وسكەندە باسقا ادامداردىڭ نازىكتىك بىلدىرگىسى كەلۋى وعان ىڭعايسىزدىق تۋدىرۋى مۇمكىن. ءبىراق، اتا- انانىڭ تىم كوڭىلشەك قاتىناسىنىڭ كەيدە كەرى اسەر بەرەدى. سەبەبى، كەي بالالارعا كوڭىل ءبولۋ جەتىسپەگەندىكتەن وسكەندە قۇشاقتاسۋعا اۋەس كەلەدى. سونىمەن قاتار، ءوزىن ءوزى باعالاۋ دا ماڭىزدى ءرول اتقارادى. سەبەبى، اينالاداعىلارمەن فيزيكالىق بايلانىسقا اشىق ادامدار، ادەتتە، وزدەرىنە سەنىمدى ادامدار بولىپ كەلەدى.

بالانى ءجيى قۇشاقتاۋ كەرەك پە؟ نوتر- دام ۋنيۆەرسيتەتىنىڭ پروفەسسورى دارسي نارۆاەستىڭ ايتۋىنشا، اتا- اناسى كوپ جاقىنداماعان بالانىڭ جۇيكەسى دامىماي قالۋى مۇمكىن. سوندىقتان بالا ماحابباتتى، اياۋشىلىق ءبىلدىرۋدى جانە بايلانىس قاجەتتىلىگىن تولىقتاي سەزىنبەۋى مۇمكىن. قۇشاقتاسۋ دەنساۋلىققا پايدالى ما؟ ءيا، ول يممۋنيتەتتى كوتەرۋگە كومەكتەسەدى. ءتىپتى، وسىعان بايلانىستى زەرتتەۋ دە بار. ونى ءجيى قۇشاقتاعان ادامدار تۇماۋمەن %32 سيرەك اۋىرعان. ونىڭ باستى سەبەبى - ماحابباتتى سەزىنۋ، ول كۇيزەلىس دەڭگەيىن ازايتادى.

 قۇشاقتاعاندى ۇناتپاۋ سەزىمىن قالاي جەڭۋگە بولادى؟ ءسىزدى بىرەۋدىڭ قۇشاقتاعاندىعى ۇناماسا دا، ىڭعايسىزدىق سەزىمىنە قاراماستان، ازداپ شىداڭىز. كىشكەنە سوڭ جەڭىلدىك سەزىنەسىز. ءتىپتى، كەيبىرەۋلەر وسى ۋاقىتقا دەيىن قۇشاقتاۋدان باس تارتقانىنا وكىنەدى ەكەن.

Massaget.kz

سوڭعى جاڭالىقتار