قىزىلوردالىق تۇيەلەر بىرىككەن اراب امىرلىكتەرىنە ەكسپورتتالا باستادى

None
None
قىزىلوردا. قازاقپارات - قىزىلوردالىق تۇيەلەر بىرىككەن اراب امىرلىگىنە ەكسپورتتالا باستادى. بۇل - نار مەن قوس وركەشتى تۇيەلەردى بۋدانداستىرۋ ناتيجەسىندە الىنعان تۇيە تۇقىمى، دەپ حابارلايدى قازاقپارات ءتىلشىسى.

اراب تۇبەگىندە ويسىلقارا تۇقىمىنا سۇرانىس جوعارى. اتالمىش اۋماقتاعى تابيعي جاعداي قاتال. وندا كۇن اپتاپ ىستىق. اينالا - سۋسىز ءشول دالا. وسىعان بايلانىستى جەرگىلىكتى جۇرت ءسۇت جانە ەت باعىتىندا تۇيە ءوسىرۋدى كوزدەيدى. مۇنداي تۇيە تۇقىمى ءبىزدىڭ ەلىمىزدە كوپ كەزدەسەدى. وسى ماقساتتا اراب كاسىپكەرلەرى الەمنىڭ بىرنەشە مەملەكەتىندە بولعان. ءبارىن تارازىلاي كەلە، سىر ءوڭىرى تۇيەلەرىنىڭ وزدەرىنە قولايلى ەكەنىنە كوز جەتكىزگەن.

«ولار ءبىرىنشى كەزەكتە 45 ويسىلقارا تۇقىمىن ساتىپ الۋعا توقتام جاساپ وتىر. سول ماقساتتا ارنايى ۇشاق تا جالداعان. جىل سوڭىنا دەيىن تاعى 100 تۇيە اۋە كەمەسى ارقىلى اراب تۇبەگىنە جول تارتادى. سونداي- اق، ولار سىر وڭىرىنەن 1000 باس قوي تۇلىگىن دە الا كەتپەك» ، - دەيدى وبلىستىق اۋىل شارۋاشىلىعى باسقارماسى باسشىسىنىڭ ورىنباسارى پىرمۇحاممەد سىزدىقوۆ.

العاشقى جارتى جىلدىقتا وبلىستان سىرتقا شىعارىلعان اۋىل شارۋاشىلىعى ونىمدەرىنىڭ قۇنى 18 ميلليون ا ق ش دوللارىنان اسقان. ەكسپورتتىق الەۋەت بىلتىرعى كورسەتكىشپەن سالىستىرعاندا 3 پايىزعا وسكەن.

«سوڭعى جىلدارى وبلىستا ەت ەكسپورتى ارتىپ كەلەدى. ماسەلەن، شىمكەنت قالاسىنداعى ەت كومبيناتى ارقىلى 1600 باس قوي ەتىن يرانعا جىبەردىك. سول ەت كومبيناتى ارقىلى تاعى 3000 باس قوي ەتىن ەكسپورتقا شىعارۋدى جوسپارلاپ وتىرمىز» ، - دەيدى پىرمۇحاممەد سىزدىقوۆ.

  قىزىلوردادا يرانعا كۇرىش ەكسپورتتاۋ ءىسى جولعا قويىلعان. وسى ماقساتتا سىر ديقاندارى يراندىق كۇرىش سورتتارىن وسىرە باستادى. سونداي- اق، ەت ەكسپورتى باعىتىندا دا ءبىرقاتار جوبالار قولعا الىندى.

سوڭعى جاڭالىقتار