گولوۆكين رينگكە قاشان ورالادى

 استانا. قازاقپارات - پروموۋتەر توم لەففلەر قازاقستاندىق كاسىپقوي بوكسشى گەننادي گولوۆكيننىڭ سوڭعى جەكپە- جەكتەن كەيىنگى العان ۇزىلىستەن سوڭ رينگكە قاشان ورالاتىنىن ايتتى.

15- قىركۇيەكتە ساۋل «كانەلو» الۆارەسپەن وتكەن جەكپە- جەكتەن كەيىن GGG جىل سوڭىنا دەيىن دەمالىس العان بولاتىن.

«ول رينگكە كەلەر جىلدىڭ ءبىرىنشى كۆارتالىندا، ناۋرىز، ءساۋىر نەمەسە مامىر ارالىعىندا ورالادى. سەبەبى ول قالعان ۋاقىتتا دەمالۋدى جوسپارلاپ وتىر. وتباسىمەن بىرگە دەمالىسىنان سوڭ ول قاڭتار سوڭىندا جاتتىعۋعا كەلەدى دەپ كۇتىپ وتىرمىن. وسى ۋاقىتتا كىممەن بوكستاسادى، جەكپە- جەك قايدا وتەدى، ونى قاي ارنا ترانسلياتسيالايتىن بولادى دەگەندى انىقتايمىز» ، - دەدى توم لەففلەر boxingscene.com-عا بەرگەن سۇحباتىندا.

پروموۋتەر گولوۆكيننىڭ قازىرگى تاڭدا تۋعان جەرى قازاقستانعا ورالعانىن جانە گەرمانيادا بيزنەسىن جۇرگىزەتىنىن ايتتى.

ايتا كەتەرلىگى، گولوۆكين كەلەسى جەكپە- جەگىندە جاپون بوكسشىسى ريوتا مۋراتامەن بوكستاسۋى مۇمكىن.

Baq.kz