استاناداعى اۋەجايدا كاپسۋلدى قوناق ءۇي اشىلدى

None
None
استانا. قازاقپارات - استاناداعى نۇرسۇلتان نازاربايەۆ حالىقارالىق اۋەجايىندا فۋتۋريستىك ستيلدەگى «Caps Lock» كاپسۋلدى قوناق ءۇيى اشىلدى، دەپ حابارلايدى قازاقپارات اۋەجايدىڭ باسپا ءسوز قىزمەتىنە سىلتەمە جاساپ.

جاپون تەحنولوگياسى بويىنشا ازىرلەنگەن سوڭعى ۇلگىدەگى كاپسۋلدى قوناق ۇيدە جۋىنىپ، شايىنىپ، ۇيىقتاپ تىنىعۋ ءۇشىن بارلىق جاعداي جاسالعان.

ەڭ العاش جاپونيادا پايدا بولعان كاپسۋلدى قوناق ءۇي تۋريستەر اراسىندا كەڭىنەن تانىمال. قازاقستانداعى اۋەجايلار ىشىندە كاپسۋلدى قوناق ءۇي العاش رەت استانادا ىسكە قوسىلدى. قوناقتاردىڭ وسى جەردە ەركىن دەمالۋى ءۇشىن smart-TV، جەكە سەيف، ءتۇرلى ءتۇستى LED جارىقتارى، «روزەتكالار»، USB جۇيەسى، وقۋعا ارنالعان ۇستەل، جەلدەتكىش، اۋا باپتاعىش، ورتكە قارسى جۇيە، وياتقىش جانە ەڭ باستىسى تازا توسەنىشتەرى مەن جەكە گيگيەنالىق قۇرالدارى بار ورتوپەديالىق توسەك قويىلعان.

قوناق ۇيدە بارلىعى كەلۋشىلەرگە بەرىلەتىن ماگنيتتىك SMART كارتا ارقىلى باسقارىلادى. كەلۋشىلەر قولدارىنا بەرىلەتىن پلانشەت ارقىلى وزدەرىنە قاجەت رەيستەردى online رەجيمدە ءبىلىپ وتىرادى. قوناقۇي 10 ادامعا ارنالعان.

بۇگىندە مۇنداي تىنىعۋ ورىندارى الەمنىڭ كوپتەگەن قالالارىندا، اتاپ ايتقاندا، دۋباي، اتلانتا (ا ق ش)، فيلادەلفيا (ا ق ش)، ميۋنحەن (گەرمانيا)، لوندون ( ۇلى بريتانيا)، امستەردام (نيدەرلاندى)، توكيو (جاپونيا)، مەحيكو (مەكسيكا) اۋەجايلارىندا بار.

 null

null

سوڭعى جاڭالىقتار