16:04, 19 - قازان 2018 | GMT +6
الماتىدا ۇرىلار ءتۇسىپ قالعان ۆيدەولار جۇرتشىلىق نازارىنا ۇسىنىلدى
الماتى. قازاقپارات - الماتى پوليتسياسى قىلمىسكەرلەردىڭ ۆيدەو، فوتوجۋرنالىن جاريالادى. ءبىرىنشى توپتامادا ۇرلىق جاساۋدى كاسىپ قىلعانداردىڭ كامەرادان الىنعان بەينەلەرى كورسەتىلگەن، دەپ حابارلايدى قازاقپارات ءتىلشىسى.
قالالىق ءى ءى د كريمينالدىق پوليتسيا باسقارماسى ۇسىنعان 43 فايلدان بىرنەشە قىلمىسقا قاتىستى دەپ كۇدىكتەلىپ وتىرعان ادامداردىڭ بەت-ءجۇزى، سۇلباسىن كورۋگە بولادى.
«بۇگىندە ب ا ق پەن الەۋمەتتىك جەلىنى بەلسەندى تۇردە قولدانا وتىرىپ، وسى ادامداردى تاۋىپ، كىم ەكەنىن انىقتاۋىمىز كەرەك. جوبانى جۇزەگە اسىرماس بۇرىن قوعامنىڭ ينتەرنەتتەگى بەلسەندىلىگىنە تالداۋ جۇرگىزىلدى. كوپتەگەن قىلمىستار جۇرتشىلىقتىڭ ارالاسۋىمەن اشىلدى. ازاماتتاردىڭ بەلسەندىلىگى ءبىزدى قۋانتادى. وسى جولى دا قالا تۇرعىندارى بەلسەندىلىك تانىتىپ، قىلمىسكەرلەردى ۇستاۋدا ءوز كومەگىن تيگىزەدى دەگەن ۇمىتتەمىز»، - دەدى قالالىق ءى ءى د رەسمي وكىلى سالتانات ازىربەك.
عالامتورعا جۇكتەلگەن ۆيدەولار توپتاماسىن مىنا سىلتەمە ارقىلى كورۋگە بولادى.