ەگدە جاستاعى ادامداردىڭ ءومىرىن ۇزارتۋدىڭ جولى تابىلدى

None
None
  استانا. قازاقپارات - ا ق ش- تىڭ بوستون قالاسىنداعى تافتس ۋنيۆەرسيتەتىنىڭ عالىمدارى تەڭىز ونىمدەرىندە بار ومەگا-3 پوليقانىقتىرىلماعان مايلى قىشقىلداردىڭ ەگدە جاستاعى ادامداردىڭ ءومىر ءسۇرۋ ۇزاقتىعىن ارتتىرىپ، مەرزىمىنەن بۇرىن قايتىس بولۋ قاۋپىن بولدىرمايتىنىن انىقتادى.

1992-2015 -جىلدارى جۇرگىزىلگەن ۇزاق مەرزىمدى زەرتتەۋگە، ورتاشا جاسى 74 جاستى قۇرايتىن 2622 ەرەسەك ادام قاتىستى. باستاپقىدا، سونداي- اق التى جانە 13 جىلدان كەيىن ەرىكتىلەردەن قانداعى ومەگا-3 پوليقانىقتىرىلماعان مايلى قىشقىلىنىڭ دەڭگەيى ولشەندى. ونىڭ ىشىندە ەيكوزاپەنتاەن جانە دوكوزاگەكساەن قىشقىلدارى، سونداي- اق دوكوساپانتاەن مەن الفا- لينولەن قىشقىلى.

وسى قوسىلىستاردىڭ كوپشىلىگى تەڭىز ونىمدەرىندە، ال سوڭىسى جاڭعاقتاردا، تۇقىمداردا جانە جاسىل كوكونىستەردە كەزدەسەدى.

اعزاداعى ومەگا-3 پوليقانىقتىرىلماعان مايلى قىشقىلىنىڭ قۇرامى بويىنشا قاتىسۋشىلار بەس توپقا ءبولىندى. قاتىسۋشىلاردىڭ %89  ىندا جاسىنا بايلانىستى سوزىلمالى اۋرۋلار، ونىڭ ىشىندە فيزيكالىق جانە كوگنيتيۆتى بۇزىلۋلار بولعانى انىقتالدى.

سونىمەن قاتار، ەيكوزاپەنتاەن قىشقىلىن تۇتىنۋدىڭ جوعارى دەڭگەيى ەڭ تومەنگى دەڭگەيمەن سالىستىرعاندا، زياندى قارتايۋ قاۋپىنىڭ 24 پايىزعا تومەندەۋىمەن بايلانىستى بولدى. ال دوكوساپەنتاەنو قىشقىلى تاۋەكەلدىڭ 18-21 پايىزعا ازايۋىنا مۇمكىندىك بەردى. قالعان قوسىلىستاردا ەشقانداي اسەر تابىلعان جوق.

Stan.kz

سوڭعى جاڭالىقتار