بەلگىلى جازۋشى «پيراميدانى قازاقتار سالعان» دەپ كۇتپەگەن مالىمدەمە جاسادى

None
None
استانا. قازاقپارات - «قامشى» پورتالىنا تاريحقا قاتىستى ماقالالاردى ءجيى جازاتىن جازۋشى مۇحامبەتكارىم قوجىرباي ۇلى كۇتپەگەن مالىمدەمە جاسادى.

ول جەر بەتىندەگى الىپ پيراميدالاردى ءبىزدىڭ اتا-بابالارىمىز سالعان دەگەن تۇجىرىمعا كەلدى دەپ حابارلايدى «قامشى» پورتالى.

جازۋشى ءبىزدىڭ زامانىمىزعا دەيىن بۇكىل الەم حالقى قازاق دەگەن ەلدىڭ قۇرامىندا ءومىر سۇرگەن دەپ بولجايدى.

بۇل تۋرالى ءبىراز زەرتتەۋ جۇرگىزگەن قالامگەر مۇحامبەتكارىم قوجىرباي ۇلى ايگىلى ءىرى پيراميدالاردى دا ءبىزدىڭ بابالارىمىز سالدىرعان دەگەن تۇجىرىمعا كەلىپ وتىر.

«بۇكىل جەر شارىنىڭ تۇكپىر-تۇكپىرىندە الىپ پيراميدالار بار. سولاردى سالعان دا ءبىزدىڭ اتالارىمىز. وعان ەگيپەت پيراميداسىنىڭ ىشىندەگى بولمەنىڭ قابىرعاسىنان تابىلعان «دومبىرا مەن قاز ادايدىڭ «ءتىل تاڭباسى» تولىقتاي كۋالىك ەتە الادى»، - دەدى ول ءوز جازباسىندا.

سونداي-اق، جازۋشى كايرداعى مۇراجايعا قويىلعان ەگيپەت پەرعاۋىنى تۋتانحاموننىڭ بالا كەزىندەگى ويىنشىعى قويدىڭ اسىعىنا ۇقسايتىنىن، ال پيراميدانىڭ بيىك شىڭى اداي تاڭباسى «جەبەگە» سايكەس كەلەتىنىن ايتتى.

ول قۇران كارىمدە پيراميدالاردى سالعان پەرعاۋىنداردىڭ «قازىق» دەپ اتالعانىن دا ءسوز ەتتى.

سوڭعى جاڭالىقتار