تۇركىستاندا «ۇلى جىبەك جولى بويىنداعى ورتاعاسىرلىق قالالار» كونفەرەنسياسى باستالدى

None
None
تۇركىستان. قازاقپارات - تۇركىستان قالاسىندا «ۇلى جىبەك جولى بويىنداعى ورتاعاسىرلىق قالالار» اتتى عىلىمي-پراكتيكالىق حالىقارالىق كونفەرەنسيا وتۋدە.

ەكى كۇندىك باسقوسۋ استانا قالاسىنىڭ 20 جىلدىعى مەن «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ 40 جىلدىعىنا وراي ۇيىمداستىرىلىپ وتىر، دەپ حابارلايدى قازاقپارات ءتىلشىسى.

حالىقارالىق كونفەرەنسيانى ق ر مادەنيەت جانە سپورت مينيسترلىگى مەن «ازىرەت سۇلتان» مەملەكەتتىك تاريحي-مادەني قورىق-مۋزەيى، قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتى مەن تۇركىستان وبلىسى اكىمدىگى بىرلەسىپ وتكىزۋدە. اتالعان جيىنعا تۇركيا، وزبەكستان، ازەربايجان، ۋكراينا ەلدەرى مەن وتاندىق عالىمدار، مۋزەي ءىسىنىڭ ماماندارى قاتىسىپ وتىر.

كونفەرەنسيا ماقساتى - ەلباسى ن. ءا. نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا كورسەتىلگەن تاريحي-مادەني مۇرالار مەن قاسيەتتى ورىنداردى ناسيحاتتاۋ. سونداي-اق، ۇلى جىبەك جولى بويىندا ورنالاسقان قالالاردىڭ الەمدىك مادەنيەتكە قوسقان ۇلەسىن جانە قازاق حاندىعىنىڭ عاسىرلار بويى رۋحاني استاناسى بولىپ كەلگەن تۇركىستاننىڭ ورنى مەن ءرولى جانە وتاندىق مۋزەي سالاسىنداعى وزەكتى پروبلەمالاردى ساراپتاۋ، تالداۋ كوزدەلگەن.

سوڭعى جاڭالىقتار