ديماشتىڭ بەينەبايانى رەسەيلىك ارنادا جەڭىمپاز اتاندى
بۇل تۋرالى ءانشىنىڭ اكەسى قانات ايتبايەۆ ايتتى، دەپ حابارلايدى قازاقپارات.
«ديماش قۇدايبەرگەننىڭ ورىنداۋىنداعى «Screaming» انىنە تۇسىرىلگەن بەينەبايان رەسەيدىڭ «مۋز- ت ۆ» تەلەارناسىنىڭ «مۋزراسكرۋتكا» باعدارلاماسى ارقىلى كورەرمەندەر اراسىندا جالپى داۋىس بەرۋ جۇيەسى بويىنشا سىنعا تۇسكەن بولاتىن. ءبىر اي كولەمىندە ينتەرنەت ارقىلى وتكىزىلگەن جارىس ناتيجەسى بويىنشا ديماشتىڭ ورىنداۋىنداعى اتالمىش ءان جالپى ەسەپتە 97 پايىز داۋىس جيناپ جەڭىمپاز اتاندى»، - دەيدى ءانشىنىڭ اكەسى ءوز پاراقشاسىندا.
سايىستىڭ شارتىنا سايكەس بۇل كليپ ەندى «مۋزتۆ» تەلەارناسىندا تەگىن روتاتسياعا يە بولىپ وتىر.
«داۋىس بەرىپ، ۇلكەن قولداۋ بىلدىرگەن بارلىق جانكۇيەر، تىڭدارمان قاۋىمعا ۇلكەن العىس ايتامىز!»، - دەپ جازدى قانات ايتبايەۆ.
ەسكە سالا كەتسەك، ديماش قۇدايبەرگەننىڭ «Screaming» ءانىنىڭ بەينەبايانى وسى جىلدىڭ مامىر ايىندا شىققان بولاتىن. ءاننىڭ كومپوزيتورى Muhgal وسى كۇنگە دەيىن Rihanna, Usher، Cherul Fermandes - Versini, Shakira, Ne-Yo, Avisi سىندى انشىلەرگە اندەر جازعان.